'फिरफिरे फिरिरी' को आइटम गीत 'टिमिक्कै चोली' सार्वजनिक (भिडिओ)

बुटवल । हरर कमेडी चलचित्र ' को आइटम गीत 'टिमिक्कै चोली' सार्वजनिक गरिएको छ।  अनु चौधरीको स्वर रहेको गीत म्युजिक नेपाल युट्युब च्यानलमार्फत सार्वजनिक गरिएको हो। प्रशान्त सिवाकोटीको शब्द तथा संगीत रहेको गीतमा अलिशा शर्माले नृत्य गरेकी छन्। 

नवीन भट्ट डेब्यू निर्देशित चलचित्रमा सन्दीप श्रेष्ठ, भावना उप्रेती, मनोजकुमार अधिकारी, रविना केसी, पुष्प अवस्थी, सूर्यमान लिम्बुलगायत कलाकारको अभिनय छ। यसै चलचित्रबाट सन्दीप र भावनाले अभिनयमा डेब्यू गर्न लागेका हुन्। चलचित्रमा सन्दिप श्रेष्ठ र नवीन भट्टको लेखन रहेको छ। 

बिन्दबासिनी क्रियसनको ब्यानरमा निर्माण गरिएको चलचित्र मनोज कुमार अधिकारीले निर्माण गरेका हुन्। नितिश पुन सह निर्माता रहेका छन्। फिल्ममा जितु तामाङको छायांकन, रोशन दास, प्रकाश दाहाल र अग्नि सुवेदीको सहायक निर्देशन, केशव राज भट्टको कोरियोग्राफी, एलिस कार्कीको ब्याकराउण्ड म्युजिक, प्रशान्त सिवाकोटीको संगीत, अमित श्रेष्ठको साउण्ड डिजाइन, अनन्त घिमिरेको सम्पादन तथा कलर संयोजन रहेको छ। 

यो चलचित्र छठ पर्वको अवसर पारेर कार्तिक २२ गतेदेखि देशभर प्रदर्शन हुँदैछ।