इजरायली हमलामा हिजबुल्लाहका मिसाइल कमाण्डरको मृत्यु

काठमाडौँ । हिजबुल्लाहका मिसाइल कमाण्डर इब्राहिम कुबैसीको लेबनानको राजधानी बेरुतमा मंगलबार इजरायली आक्रमणमा परी मृत्यु भएको जनाइएको छ। उनीसँगै अन्य ५ जनाको पनि मृत्यु भएको छ । इजरायलले लेबनानमा विगत ५ दिनदेखि लगातार आक्रमण गरिरहेको छ ।  

यसैबीच हिजबुल्लाहले हिजो राति इजरायलका ८ स्थानमा मिसाइल प्रहार गरेको दाबी गरेको छ । इजरायलका अनुसार हिजबुल्लाहबाट ५५ रकेट प्रहार गरिएको थियो।

यसअघि सोमबार इजरायली रक्षा बल ९आईडीएफ० ले लेबनानमा हिजबुल्लाहका १६ सय स्थानलाई लक्षित गरी हवाई हमला गरेको थियो। १० हजार रकेट ध्वस्त भएको दाबी गरिएको छ । उही समयमा लेबनानको स्वास्थ्य मन्त्रालयले यस आक्रमणमा हालसम्म ५५८ जनाको मृत्यु भएको जनाएको छ । जसमध्ये ९४ जना महिला र ५० बालबालिका रहेका छन् । १८३५ जना घाइते भएका छन्।

अल जजीराका अनुसार सन् २००६ मा इजरायल(लेबनान युद्धपछि लेबनानमा भएको यो सबैभन्दा ठूलो हमला हो। २००६ मा एक महिना लामो लडाईमा हजार लेबनानी मानिसहरू मारिएका थिए। हाल, लेबनानमा  स्कूल र कलेजहरू बन्द गरिएको छ। मानिसहरूलाई सुरक्षित स्थानमा पठाइएको छ।

इजरायलले लेबनानमा सञ्चालित अभियानलाई ‘नर्दर्न एरोज’ नाम दिएको छ । आइडीएफले हिजबुल्लाहले दक्षिणी लेबनानका घरहरूमा मिसाइलहरू लुकाएर राखेको र लगभग एक वर्षदेखि इजरायलमा त्यसले प्रहार गरिएको दावी गरेको छ।