बुटवल । प्रधानमन्त्री केपी शर्मा ओलीले सर्वसाधारणलाई टीका नलगाइदिने भएका छन् । सामाजिक सञ्जाल फेसबूकमार्फत बडादशैंको शुभकामना सन्देश जारी गर्दै प्रधानमन्त्री ओलीले यस्तो जानकारी गराएका हुन् ।
'प्राकृतिक विपद्ले दिएको पीडाबाट मुक्त हुन केन्द्रित हुनुपर्ने भएकाले पहिलेका वर्षहरूमा जस्तो यसपालि विजया दशमीको टीका उल्लासपूर्ण हुने छैन । परिवारका सदस्यहरूसँग बाहेक यसपटक टीका लगाउने कार्यक्रम राखिएको छैन,' भिडियो सन्देशसँगै प्रधानमन्त्री ओलीले लेखेका छन् ।
'भारी मनका साथ दशैं मनाउँदैछौं । म पनि रमाउन सकिरहेको छैन । सरकारको नेतृत्व गरिरहेकाले उहाँ (पीडित)हरूको आँसु पुछ्ने, राहत दिने, पुनर्निर्माणका कामहरू गर्ने र चाडबाडको आवागमनलाई सहज एवं सुगम बनाउने उत्तरदायित्वमा लागिरहेकाको छु,' प्रधानमन्त्री ओलीले भने ।
उनले बाढीपहिरोबाट विस्थापितहरूलाई पहिलेकै अवस्थामा अथवा अझ सुन्दर संरचना निर्माण गरेर पुन:स्थापित गर्ने उनले बताए ।
अघिल्लो कार्यकालमा ओलीले प्रधानमन्त्री हुँदा सर्वसाधारणलाई टीका लगाइदिएका थिए ।
युनिकोड
मिति रूपान्तरण
ग्लोबल आवाज
प्रतिक्रिया