सामुदायिक वन समन्वय समिति, तिनाउ, पाल्पाकाे २१ ओैं वार्षिक साधारणसभा सम्पन्न

बुटवल । सामुदायिक वन समन्वय समिति, तिनाउ,पाल्पाकाे २१ ओैं वार्षिक साधारणसभा आइतवार दाेभानमा सम्पन्न भयाे । 

सभामा संस्थाका महासचिव गणेश रास्काेटीले आर्थिक वर्ष २०८०/०८१ मा  संस्थाले गरेका गतिविधिहरुकाे प्रगति प्रतिवेदन पेस गरेका थिए । त्यसैगरी साेही आर्थिक वर्षकाे आर्थिक प्रगति प्रतिवेदन संस्थाका काेषाध्यक्ष बिनाेदप्रसाद बस्यालले सुनाएका थिए । उनले २६ लाख ३२ हजार ८८५ रुपैयाँ बराबरकाे  हिसावकिताव समेत सुनाएका थिए । 

आर्थिक वर्ष २०८१/०८२ का लागि संस्थाका अध्यक्ष दलबहादुर गुरुङले प्रस्तावित वार्षिक याेजना तथा कार्यक्रमका लागि अनुमानित २२ लाख ५० हजारकाे वजेट पेश गरेका थिए । सभाका प्रमुख अतिथि तिनाउ गाउँपालिकाका अध्यक्ष प्रेम श्रेष्ठले सामुदायिक वन उपभोक्ता समूहहरुले आम्दानीकाे १०% रकम गाउँपालिकामा बुझाउनु पर्ने बताउँदै आफ्नाे पालिका जल,जमिन र जंगलले धनी भएकाे बयान गरे । 

विशिष्ट अतिथिका रुपमा रहेका गाउँपालिका उपाध्यक्ष लालबहादुर थापाले वन डढेलाे यस क्षेत्रकै मुख्य समस्या रहेकाेले यसलाई न्यूनीकरण गर्न गाउँपालिकाले विशेष याेजना बनाएकाे जानकारी दिए ।

त्यसैगरी विशिष्ट अतिथिकै रुपमा रहेका प्रमुख प्रशासकीय अधिकृत लेखबहादुर बस्नेतले वनमा अग्निरेखा बनाउने ,एक वन एक पाेखरी खन्ने र सुकेका सालका पातलाई संकलन गरि जैविक मल बनाउन पालिकाले वजेट विनियाेजन गरेकाे र समन्वय समितिसँग मिलेर पालिकाकाे वनसम्बन्धि  याेजनालाई कार्यान्वयन गर्ने प्रतिवद्वता जनाए । 

साे सभाका अतिथि तिनाउ सवडिभिजन वन कार्यालयका वरिष्ठ अधिकृत प्रेम चाैधरीले आफूले समन्वय समितिसँग हातेमालाे गरि अघि बढ्न सक्रिय रहने सुनाए ।

संस्थाका सल्लाहकार पदमलाल शाक्य, वनघुस्री सावउसका अध्यक्ष राेमबहादुर लम्तरी,सामुदायिक वन समन्वय समितिका वरिष्ठ उपाध्यक्ष प्रेम पाण्डेय लगायतले सहभागीलाई वन,वातावरण र जैविक विविधता संरक्षणका लागि सबै सराेकारवालाहरु एकजुट भई लाग्नुपर्ने,वन समूहमा देखिने प्राविधिक समस्याहरुलाई समाधान गर्नुपर्ने र आम्दानी एवम् उद्यमशीलतासँग वनलाई जाेड्नुपर्ने उल्लेख गरेका थिए ।