गुल्मी अर्खाबाङ्ग-रुपन्देही सम्पर्क समाजद्वारा रक्तदान

बुटवल । गुल्मी जिल्लाको मालिका गाउँपालिका–४ अर्खावाङ्ग रुपन्देही सम्पर्क समाजले रक्तदान गरेको छ । सम्पर्क समाजले आफ्नो स्थापना दिवसको अवसरमा मंगलबार रक्तसञ्चार सेवा केन्द्र बुटवलमा रक्तदान गरेको कार्यक्रम संयोजक बाबुराम रेग्मीले जानकारी दिए ।

रक्तदान कार्यक्रममा सम्पर्क समाजका सदस्यसहित ५२ जनाले रक्तदान गरेको कार्यक्रम संयोजक रेग्मीले बताए । सो कार्यक्रममा बोल्दै सम्पर्क समाजका अध्यक्ष विरेन्द्र अर्यालले रगत र रक्ततत्वको अभाव हुन नदिने उद्धेश्यका साथ रक्तदान कार्यक्रम आयोजना गरिएको बताए ।  साथै सम्पर्क समाज स्थापना कालदेखि नै सामाजिक क्षेत्रमा क्रियाशिल रहेको बताउदै अध्यक्ष अर्यालले आगामी दिन आफुहरुले सक्दो कार्य गर्न गर्ने बताए ।

रक्तदान कार्यक्रम सम्पर्क समाजका अध्यक्ष विरेन्द्र अर्यालको अध्यक्षता, नेपाल स्वयंसेवी रक्तदाता समाजका केन्द्रिय महासचिव कृष्ण चौहानको प्रमुख आथित्यता, उपाध्यक्ष प्रेमबहादुर अर्यालको स्वागत मन्तव्य र सचिव टेकराज रेग्मीको संचालनमा सम्पन्न भएको थियो । रक्तदान कार्यक्रममा सम्पर्क समाजका सल्लाहाकार उमेश रेग्मी, राजु अर्याल लगायत कार्य समिति सदस्यहरुको सहभागिता रहेको थियो । सम्पर्क समाजले गत वर्ष पनि स्थापना दिवसको अवसरमा रक्तदान गरेको थियो ।  

२०७० सालमा स्थापना भएको सम्पर्क समाजले अर्खवाङ्गलाई एम्बुलेन्स प्रदान गर्नुका साथै आर्थिक अवस्था कमजोर भएका समाजका सदस्यहरुलाई आर्थिक सहयोग गर्ने गरेको छ । सम्पर्क समाजमा अहिले ३७ जना आजीवन सदस्य, १ जना मानार्थ सदस्य र १०४ जना साधारण सदस्य रहेका छन् ।