मंसिर १६ गते स्थानीय तहका ४० पदमा कहाँ कहाँ हुदैछ उप–निर्वाचन

सरकारले स्थानीय तहमा रिक्त रहेका पदमा निर्वाचनबाट नयाँ जनप्रतिनिधि छनोट गर्न मंसिर १६ गते लाइ उपनिर्वाचनको दिन निश्चित गरेको छ। दुर्घटना, प्रकोप र रोग व्याधि लगायतका कारण जनप्रतिनिधिको निधन हुँदा अहिलेसम्म स्थानीय तहका विभिन्न ४० पदहरू खाली रहेको निर्वाचन आयोगले जनाएको छ ।
उपनिर्वाचन हुनेमा जिल्ला समन्वय समिति प्रमुख २, गाउँपालिका अध्यक्ष २, नगरपालिका प्रमुख १, गाउँपालिका उपाध्यक्ष ४, नगरपालिका उपप्रमुख १, गाउँपालिका वडाध्यक्ष ९ र नगरपालिका वडाध्यक्ष २१ गरी जम्मा ४० पद रहेका छन्। स्थानीय तहमा एक वर्षको पदावधि छँदै कुनै पद रिक्त रहेमा उपनिर्वाचन गराउनुपर्ने व्यवस्था छ।

त्यसै अनुसार निर्वाचन आयोगले उपनिर्वाचन प्रयोजनका लागि साउन २९ गते मतदाता नामावलीमा नाम दर्ता गर्न आह्वान गरेको थियो। २०७९ वैशाख ३० गते स्थानीय तहको निर्वाचन सम्पन्न भएको थियो। निर्वाचन आयोगले अन्तिम मतदाता नामावली स्वीकृत गरी प्रकाशन गरेको मितिसम्ममा कुनै पनि पद खाली भएमा मंसिर १६ गते नै उपनिर्वाचन गराउनेछ। आयोगले जाएअनुसार अबका एक महिनामा अन्तिम मतदाता नामावली स्वीकृत गरेर प्रकाशन गरिनेछ।  

उपनिर्वाचन हुन लागेका अधिकांश पदमा यसअघि नेपाली काँग्रेस बिजयी भएको थियो भने त्यसपछि नेकपा माओवादी केन्द्र र नेकपा एमाले थिए। नेपाली काँग्रेसका २वटा जिल्ला समन्वय समिति प्रमुख, ३ पालिका प्रमुख, ३ पालिका उपप्रमुख र १७ वडाध्यक्ष गरी २५  पदमा जनप्रतिनिधि निर्वाचित भएका थिए भने नेकपा माओवादीका २ पालिका उपाध्यक्ष र ५ वडाध्यक्ष गरी जम्मा ७ पदमा तथा नेकपा एमालेका ६ वडाध्यक्ष निर्वाचित थिए।

जनता समाजवादीले जितेको १ वडाध्यक्ष र स्वतन्त्र (कैँची)ले जितेको १ वडाध्यक्ष पद पनि रिक्त रहेकाले उपनिर्वाचन हुँदै छ।

कुन स्थानिय तह र पदमा उपनिर्वाचन हुदैछ जिल्ला अनुसार ।