जुहारी
यस्तो देश जहाँ
मेयर र प्रधानमन्त्री जुहारी खेल्छन्
सांसद र सरकार जुहारी खेल्छन्
एउटा सत्य र न्यायको वकालत गर्छ
भ्रष्टाचार विरुद्ध आगो ओकल्छ,
र अविलम्ब कारबाहीको माग गर्छ,
सडकमा युवाको राँको बल्छ ।
अर्को कानमा तेल हालेर बस्छ
केहि थाह नपाएझै,
अनि भन्छ-को यो फ्याउरो
देशको महामहिमसङ जोरी खोज्ने ?
तब शुरू हुन्छ, सिद्ध्याउने खेल
अनेक जालझेल
सत्तोसराप, वाकयुद्ध
प्रहार,झगडा,मारामार र हानाहान ।
समृद्ध नेपाल,सुखी नेपालीको सपना
यसरी पूरा भइरहेछ नयाँ नेपालमा ।
हुलका हुल युवाहरू खाडीमा
नेताहरू सरर चिप्लो गाडी
अनि रातो साडीमा !
युनिकोड
मिति रूपान्तरण
ग्लोबल आवाज
प्रतिक्रिया