न्यू भिजनमा बधाई तथा शुभकामना

फागुन २,

ग्लोबल आवाज

बुटवल । न्यू भिजन मा.वि.मा बधाई तथा शुभकामना कार्यक्रम सम्पन्न भएको छ । एसइई–२०७६ मा सहभागि हुने विद्यार्थीलाई कक्षा ९ का विद्यार्थीहरुको एक कार्यक्रमको आयोजना गरी कक्षा १० का विद्यार्थीलाई बधाई तथा शुभकामना दिएका हुन् ।

कार्यक्रममा बोल्दै विद्यालयका प्रबन्ध निर्देशक मनोजकुमार बस्नेतले एसईईमा सहभागि हुन लागेका विद्यार्थीहरुलाई शुभकामना व्यक्त गर्दै परीक्षा पछि पनि विद्यार्थीहरुलाई विद्यालयमा रोजेर पढ्न पाउने वातावरण रहेको बताए । विद्यालयका प्राचार्य केशव श्रीसले उत्कृष्ट नतिजासँगै विद्यालयमा सिकेका हरेक ज्ञान र सिपलाई व्यवहारिकतामा ल्याउन आग्रह गर्दै शैक्षिक सफलताको शुभकामना दिए । साथै उनले विद्यालयले विगतका वर्षहरुमा जस्तै यस वर्षमा पनि उत्कृष्ट नतिजा ल्याउने विश्वास व्यक्त समेत गरे ।

कार्यक्रममा कक्षा १० बाट रक्षा बुढा र अर्पण सापकोटाले आफ्ना अनुभव सहित मन्तब्य राखेका थिए भने सह–प्राचार्य कमल खनाल, शिक्षकहरु बालकृष्ण आचार्य, प्रविण श्रेष्ठ र खुलेन्द्रबिन्दु पन्थीले शुभकामना सहित आफ्ना भनाई राखेका थिए । समारोहमा विद्यार्थीहरुले नृत्य तथा विभिन्न प्रकारका प्रस्तुतिहरु प्रस्तुत गरेका थिए । कार्यक्रममा विद्यार्थी रेशम चौधरीको अध्यक्षता, स्मृति जी.सीको सञ्चालन र अंशु थापाको शुभकामना मन्तव्य राखेकी थिइन् ।