रामेछापमा पहिरोले घर बगाउँदा २ जनाको मृत्यु, ५ वेपत्ता

रामेछाप । रामेछापको सैलुङमा पहिरोले घर बगाउँदा २ जनाको मृत्यु भएको छ भने ५ जना बेपत्ता भएका छन् । गएराति सैलुङ गाउँपालिका–३ लेकखर्क पहरी गाउँमा पहिरोले ३ वटा घर बगाएको हो । 

जिल्ला प्रहरी कार्यालय रामेछापका सूचना अधिकारी कौशल न्यौपानेका अनुसार भीषण वर्षाका कारण गाउँ नजिकै रहेको खोलाको कटानले पहिरो खसेको थियो । घटनास्थलमा प्रहरी टोली पुग्दा कम्तीमा ३ घर बगाएको र २ जनाको शव घटनास्थलमा निकालिएको उनले बताए । गएराति ११ः४५ बजे माथिबाट खसेको पहिरो परेर कम्तीमा ५ जना बेपत्ता भएको उनले बताए ।