काठमाडौं । मिस नेपाल वर्ल्ड २०२४ को उपाधि आस्माकुमारी केसीले जितेकी छन् । शनिबार ललितपुरको गोदावरी स्थित सनराइज कन्भेन्सन सेन्टरमा भएको ग्राण्ड फिनालेमा उनले मिस नेपालको ताज पहिरिएकी हुन । उनलाई मिस नेपाल २०२३ श्रृच्छा प्रधानले ताज पहिराई दिएकी हुन् । मिस नेपाल अर्थको उपाधि भने सुमन केसीले जितिन् । मिस नेपाल इन्टरनेसनलको उपाधि करुणा रावतले प्राप्त गरिन् ।
मिस नेपाल वर्ल्ड–२०२४ बिजेता आस्मा काठमाडौं निवासी हुन् । उनी सोसल वर्कमा स्नातक अध्ययनरत छिन् । २६ वर्षिया आस्माको उचाइ ५ फिट ५ इन्च रहेको छ । मिस नेपाल वर्ल्ड २०२४ को उपाधिका लागि २६ जना सुन्दरीले प्रतिस्पर्धा गरेका थिए ।
उपाधिका लागि सेमिफाइनलमा आस्मा केसी, सिम्रिका मानन्धर, प्रेरभिता स्वार, श्रद्धा सुमन सिलवाल, करुणा रावत र सुमन केसीबीच कडा प्रतिस्पर्धा भएको थियो ।
सबटाइटलका अन्य विधातर्फ अन्जना पुनले पपुलर च्वाइस, ऊर्जा नेवाले मिस फिटनेस, सिम्रिका मानन्धरले हेल्दी स्किन, साइरा खड्काले मिस भिजिनरी, प्रेरभिता स्वारले मिस कन्फिडेन्ट, सुमना केसीले मिस हाइजिन र अम्बिका राणाले ग्रीन भिजिनरी उपाधिका साथ उत्कृष्ट भए ।
यस्तै मिस फोटोजेनिक श्रद्धा सुमन सिलवाल, फार्मेसी फेस अफ द इयर आस्मा केसी, मिस इन्टलेक्चुअल दीक्षा अवस्थी र ब्युटी विथ अ पर्पस विधामा सुमना केसी विजयी भए । ‘ब्युटी विथ पर्पस’को विधा मिस नेपालको इतिहासमा पहिलोपटक राखिएको हो । वुमन विथ द विंग्स विधा किम्ती श्रेष्ठले जितीन।
सम्पनन फिनालेमा प्रियंकारानी जोशी, दिब्यदेव, शरद भेसवाकर सहितका ११ जना जजको छोली रहेको थियो । यसवर्षको संस्करणमा मिस नेपालको ३० औं वर्षगाँठ सेलिब्रेसन पनि गरिएको थियो । प्रथम मिस नेपाल रुवी राणाको मन्तव्यसँगै सुरु भएको फिनालेमा सहाना बज्राचार्य होस्ट रहेकी थिइन । उनलाई २०२३ का मिस नेपालको ब्याच सृच्छा प्रधान, प्रसिद्धि शाह र रेना मजगैयाँले कोहोस्टका रुपमा साथ दिएका थिए ।
द हिडन ट्रेजरले आयोजना गरेको समारोहमा पूर्व मिस नेपालीहरूको बाक्लो उपस्थिती थियो । कार्यक्रममा मिस माल्टाको टोलीसहित जापानबाट आएका मिस इन्टरनेसनलका कार्यकारी निर्देशक पनि अतिथिका रुपमा फिनालेमा सहभागि थिए
युनिकोड
मिति रूपान्तरण
ग्लोबल आवाज
_M5D9pixGNk.png)
प्रतिक्रिया