लमहीमा बाढी अवलोकन गर्न गएका मेयर सवार गाडी खोलामा भासियो

बुटवल । दाङको लमही नगरपालिकाका मेयर सवार गाडी खोलामा भासिएको छ । रा १ झ १४६ नम्बरको स्कारपियो तेलियाको गंगटे खहरे खोलामा भासिएको हो ।

लमही नगरपालिका( ९ तेलियास्थित हालै निर्माण गरिएको कच्ची ड्याम फुटेको खबर पाएपछि मेयर जोगराज चौधरी नेतृत्वको टोली तेलिया गाउँमा पुगेको थियो । त्यहाँको क्षतिको विवरण संकलन गरेर फर्किने क्रममा तेलियाको गंगटे खहरे खोलामा स्कारपियो भासिएको हो ।

गाडीमा सवार सबै सकुशल रहेको नगरपालिकाले जनाएको छ ।