चर्चित रियालिटी सो ‘कमेडी च्याम्पियन’ सिजन–३को उपाधि काठमाडौँका सुनील खड्काले हात पारेका छन । शनिबार साँझ काठमाण्डौमा भएको ग्राण्ड फिनालेमा दुईजना प्रतिस्पर्धीलाई पछि पार्दै उनी विजेता घोषित भएका हुन । काठमाण्डौंको मुलपानी स्थित स्टुडीयोमा सम्पन्न फिनालेमा उनले सुनसरीका ऋषभ काफ्ले र नवलपरासीकी सुयाशा खनाललाई पछाडी पारेर उपाधी चुमेका हुन।
उनले २५ लाख नगदसहित सीजी मोटर्सको विद्युतीय गाडी नेटा भी कार सहित अन्य पुरस्कार पनि पाएका छन । फस्ट रनरअप भएका सुनसरीका ऋषभ काफ्ले तथा सेकेन्ड रनरअप भएकी नवलपुरकी सुयाशा खनालले भने एक–एक वटा स्कुटर पुरस्कार पाएका छन ।यसअघि पहिलो सिजनमा हिमेश पन्त र दोस्रो सिजनमा भरतमणि पौडेल विजेता बनेका थिए ।
यस कार्यक्रमको निर्णायकका रूपमा सन्तोष पन्त, मनोज गजुरेल, प्रदीप भट्टराई र ऋचा शर्मा रहेका थिए । शो लाई विशाल भण्डारीले निर्देशन गरेको यो शोको होस्ट रिमा विश्वकर्मा र मेक्सन गौडेलले थिए । ‘कमेडी च्याम्पियन सिजन ३’ मा २ हजारले डिजिटल अडिसन दिएका थिए।
जसमध्ये प्रि–जजिङ हुँदै १ सय ३२ जनालाई फिजिकल अडिसनको लागि छानिएको थियो। जसबाट टप ३०, १६ र १० हुँदै शोको फिनालेमा तीनजना प्रतिस्पर्धी पुगेका थिए।
युनिकोड
मिति रूपान्तरण
ग्लोबल आवाज
प्रतिक्रिया