बुटवल । तिलोत्तमाको मणिग्राममा रहेको एन.जी. मार्केटले एभरेष्ट बैंक लि.का कार्ड होल्डर ग्रहकलाई सपिङ गर्दा बिशेष छुट प्रदान गर्ने भएको छ । एभरेष्ट बैंकका ग्राहकले एन.जी.मार्केटमा सपिङ पछि कार्ड बाट नगद भुक्तानी गर्दा अधिकतम १० प्रतिसत सम्म नगद छुट पाउने भएका हुन ।
बिहीबार एभरेष्ट बैंक लि.का प्रदेश प्रमुख लव प्रसाद कुईकेल तथा एन.जी. मार्केटका अध्यक्ष नारायण प्रसाद बनजाडेले सहमती पत्रमा हस्ताक्षर गरेका हुन । सहमती अनुसार एभरेष्ट बैंकका डेबिट वा क्रेडीट कार्ड बाहक ग्रहकले एन.जी. मार्केटमा ग्रोसरी, गार्मेन्ट, एफ.एम.सी.जी., हाउसहोल्ड तथा ईलेक्ट्रोनिक्स लगाएतका सामान खरीदगर्दा यो छुट प्रप्त गर्न सक्नेछन ।
एभरेष्ट बैंकका ग्रहकले एन.जी.मार्केटसंगै यस क्षेत्रका अन्य होटल, रेष्टुरेन्ट तथा अस्पताल लगाएतका ठाँउहरुमा पनि बिशेष छुट प्राप्त गर्न सक्ने मण्ग्रिाम शाखा प्रमुख बिमल भुसालले बताए । बैंकले देशैभरी १२८ शाखा संजाल, ३२ वटा सरकारी राजश्व काउन्टर तथा १६४ एटीएम बुथ मार्फत आफ्नो सेवा प्रदान गरीरहेको छ ।
एभरेष्ट बैंक भारतको पञ्जाब नेसनल बैंक संगको सहकार्यमा नेपालमा स्थापना भएको बेंक हो ।
युनिकोड
मिति रूपान्तरण
ग्लोबल आवाज
प्रतिक्रिया