ओखर खानुका आश्चर्यजनक फाइदाहरू

 बुटवल । ओखरलाई निकै स्वस्थकर मानिन्छ । ओखर ओमेगा–३ फ्याटी एसिड, प्रोटिन, फाइबर, भिटामिन र खनिज जस्ता पोषक तत्वहरूले भरिएका हुन्छन। ओखरमा एनटीअक्सीडेन्ट पनि हुन्छ, जसले शरीरमा अक्सिडेटिभ स्ट्रेस संग लड्न मद्दत गर्दछ। ओखर नियमित रूपमा खाँदा धेरै यसका धेरै स्वास्थ्य लाभहरू हुन्छन, यसले मुटुको स्वास्थ्य मा सुधार गर्दछ, मस्तिष्कको कार्य तथा क्यान्सरको जोखिमलाई कम गर्दछ।

हरेक दिन बिहान ओखरको सेवन गर्नु साँच्चैनै लाभदायक हुन्छ।ओखर प्रोटीन, स्वस्थ फ्याट र फाइबरको राम्रो स्रोतको रूपमा रहेको हुन्छ ।

ओखर सन्तोषजनक पौष्टिक खाजाको राम्रो विकल्प हो। ओखरमा रहेको पोषक तत्वहरूले हाम्रो पेटलाई भरीएको महसुस गराउदछ, शरीरमा निरन्तर ऊर्जा प्रदान गर्दछ र तौल नियन्त्रणमा पनि मद्दत गर्दछ। ओखर खानुका अचम्मका फाइदाहरू छन जुन तपाईंले जान्नै पर्दछ।

ओखर खानुका आश्चर्यजनक फाइदाहरूः

१) मुटुको स्वास्थ्यको लागि फाइदाजनक

ओखरमा ओमेगा–३ फ्याटी एसिड प्रशस्त हुन्छ, मुटुको जोखिम घटाउनुका साथै कोलेस्ट्रोलको स्तरमा सुधार गरेर मुटुलाई स्वास्थ्य राख्न मद्दत गर्दछ।

२) मस्तिष्क स्वास्थ्यका लागि फाइदाजनक हुन्छ

ओखरमा रहेको ओमेगा–३ को उच्च फ्याटी एसिडले मस्तिष्कको स्वास्थ्य सुधार गर्छ, स्मरणशक्ति सुधार गर्र्छ र मस्तिष्कका संज्ञानात्मक कार्यलाई बढाउँछ।

३) मोटोपना नियन्त्रणमा मद्दत गर्दछ

ओखरमा प्रशस्त क्यालोरीहुने भए पनि ओखरले तौल व्यवस्थापनमा मद्दत गर्छ। ओखरले स्वस्थ बोसो, प्रोटिन र फाइबरको संयोजनले भोक कम गर्दछ र सन्तुष्ट महसुस गर्न मद्दत गर्दछ।

४) ओखरमा एन्टिअक्सिडेन्टको प्रवाह हुन्छ

ओखर एन्टिअक्सिडेन्टको उत्कृष्ट स्रोत हो, विशेष गरी यो पोलिफेनोलको उत्कृष्ट श्रोत हो, जसले हाम्रो कोशीकाहरूलाई फ्री रेडिकलका कारणले हुने क्षतिबाट जोगाउन मद्दत गर्छ। यसले क्यान्सर र हृदय रोग जस्ता दीर्घकालीन रोगहरूको जोखिम कम गर्न मद्दत गर्दछ ।

५) ओखरमा प्रचुर मात्रामा एन्टी–इन्फ्लेमेटरी गुणहरू हुन्छन

ओमेगा–३ फ्याटी एसिड र ओखरमा पाइने पोलिफेनोलहरूले एन्टी–इन्फ्लेमेटरी प्रभावहरू हुन्छन। यसले शरीरमा पुरानो दृघ रोगहरु कम गर्न र सम्भावित धेरै रोगहरूको जोखिम कम गर्न मद्दत गर्दछ।

६) ओखरले रगतमा चिनीको मात्रा कम गर्छ

ओखरमा ग्लाइसेमिक इन्डेक्स कम हुन्छ र यो फाइबर र स्वस्थ बोसोको राम्रो स्रोत हो। यी तत्वहरूले राम्रो ब्लड सुगर नियन्त्रणमा मद्दत गर्दछ, ओखर मधुमेह भएका मानिसहरूका लागि उत्कृष्ट विकल्प हो।

७) ओखर पाचनका लागि धेरै फाइदाजनक हुन्छ

ओखरमा पाइने फाइबरले पाचन प्रकृयालार्ई स्वस्थ राख्न र कब्जियतबाट बच्न मद्दत गर्दछ । यो दैनिक सेवनने शरिरलाई स्वस्थ्य राख्न मद्दत गर्दछ।

८) ओखर हड्डीको लागि रामबाण हो

ओखर क्याल्सियम, म्याग्नेसियम र फस्फोरस जस्ता खनिजहरूको राम्रो स्रोत हो, जुन स्वस्थ हड्डी कायम राख्न र ओस्टियोपोरोसिस जस्ता अवस्थाहरू रोक्न आवश्यक छ।

९) ओखर आँखाका लागि धेरै लाभदायक हुन्छ

ओखरमा भिटामिन ई र ओमेगा–३ फ्याटी एसिड जस्ता एन्टिअक्सिडेन्टहरू हुन्छन, जुन आँखाका लागि फाइदाजनक हुन्छ र यसले म्याकुलर डिजेनेरेशनलाई रोक्न मद्दत गर्दछ।

१०) छालालाई चम्किलो बनाउन सहयोगी

ओखरमा रहेको स्वस्थ फ्याट, भिटामिन ई र एन्टिअक्सिडेन्टको संयोजनले छालाको स्वास्थ्यलाई सहयोग गर्दछ ।यसले अक्सिडेटिभ स्ट्रेस लाइ घटाई कोलाजेनलाई बढाएर छालालाई जवान देखाउन मद्दत गर्छ। ओखर बिहान खानुका साथै सलादमा थप्ने जस्ता धेरै तरिकाले आफ्नो आहारमा समावेश गर्न सक्नुहुन्छ । दलिया, स्मृती वा दहीको लागि टपिङको रूपमा पनि ओखर प्रयोग गर्न सकिन्छ।