मणिग्राममा बृहत् रक्तदान कार्यक्रम सम्पन्न

बुटवल ।  फोकस एजुकेसन  , गुड लक एजुकेसन  एण्ड माइग्रेसन  तथा तिलोत्तमा रक्तदाता समाज तिलोत्तमा रुपन्देहीको  आयोजनामा तिलोत्तमा ५ मणिग्रामको फोकस तथा गुडलक एजसकेसनको प्राङ्गणमा बृहत्  रक्तदान कार्यक्रम  सम्पन्न  भएको छ । 

फोकस एजुकेसन  तथा तिलोत्तमा रक्तदाता समाज रुपन्देहीका अध्यक्ष  सुदीप  न्यौपाने र गोबिन्द बन्जाडेको संयुक्त  अध्यक्षता र  तिलोत्तमा नगर पालिका वार्ड नम्बर  ५ का वार्ड अध्यक्ष  रमेश डुम्रेकको  प्रमुख आतिथ्यतामा सम्पन्न  बृहत्  रक्तदान कार्यक्रममा लायन्स क्लब  अफ भलबारी ,लायन्स क्लब अफ तिलत्तमा भलवारी ,लायन्स  क्लब  अफ भैरहवा  र श्री पुस्तक  पसल भलवारीले विशेष  सहयोग  गरेको   फोकस एजुकेसनका कार्यकारी प्रमुख  सुदीप  न्यौपानेले जनाए। कार्यक्रममा  रक्तदातालाई निशुल्क परामर्श  सहित चिसो र नास्ताको व्यवस्था  गरिएको  थियो।

 मानव जीवनको अत्यन्तै  पुण्य  काम रक्तदान हो । रगतको अभावमा कुनै पनि मानव जातिले ज्यान गुमाउनु नपरोस भनी  रक्तदान कार्यक्रम  आयोजना गरिएको गुड लक एजुकेसन  एण्ड माइग्रेशनका निर्देशक तथा कार्यक्रम  संयोजक राजीव कुँवरले बताए ।  तिलोत्तमा रक्तदाता समाजका सचिव  शिशिर पाण्डेको सञ्चालन  भएको कार्यक्रममा राजेन्द्र  कुँवर , गोबिन्द बन्जाडे , सुदीप न्यौपाने , बिक्रम गैरे र बर्दान आचार्य  लगायतले मन्तव्य  राख्नु भएको थियो ।  रक्तदान  कार्यक्रमबाट   ४५ पोइन्ट  रगत संकलन  गरिएको थियो। कार्यक्रममा प्राविधिक सहयोग  रक्त संचार केन्द्र बुटवलले गरेको थियो।