कलाकार मुकु सुवेदीको नयाँ गीत ‘डालीमा बसेछ चरी’

बुटवल । कलाकार मुकु सुवेदीले नयाँ दोहोरी गीत बजारमा ल्याएका छन् । पछिल्लो समय सामाजिक सञ्जालमा भाईरल बाल गायीका कल्पना बिष्ट र गायक अर्जुन सापकोटाको आवाजमा ‘डालीमा बसेछ चरी’ बोलको गीत बजारमा ल्याएका हुन् ।

यसअघि तिमी पनि उस्तै रहिछौं, तिम्ले चोली लगाउन लायसी लगायतका चर्चित गीतहरु बजारमा ल्याएका मुकुले विभिन्न म्युजिक भिडियोहरुमा समेत अभिनय गरेका छन् । यस पटक पनि उनले माया प्रेममा आधारित शब्दहरुसहितको नयाँ गीत ल्याएका हुन् । कृष्ण बस्यालको लय तथा नन्दु परियारको संगीत रहेको यो गीतको संगीत निर्माण कृष्ण विके ‘भान्जा’ले गरेका हुन् । गायक अर्जुन सुवेदी, कल्पना विष्ट, रचना न्यौपाने, मुकु सुवेदी र सुष्मा सापकोटाले सम्युक्त रुपमा यो एल्बम बजारमा ल्याएका हुन् । मुकु सुवेदीको यूटुव च्यानलमा यो गीत सार्वजनिक भएको छ ।