फ्रान्सेली ब्रान्ड सिट्रोनको ई-सीथ्री शाइन सार्वजनिक, मुल्य ३५ लाख ९९ हजार

काठमाण्डौं । फ्रान्सेली ब्रान्ड सिट्रोनको आधिकारिक बिक्रेता सांग्रिला मोटर्स प्रालिले ई-सीथ्री लाइन-अपको प्रिमियम मोडल सिट्रोन ई-सीथ्री शाइन आइतबार नेपाली बजारमा सार्वजनिक गरेको छ । 

उक्त कार हाल बिक्री हुँदै आएको फिल र लाइभ भेरिएन्टको तुलनमा नयाँ फिचरका साथ लोडेड रहेकोछ । नयाँ भेरिएन्टलाई कम्पनीले केही दिनयता सडकमा परिरक्षण गर्दै आएको थियो भने मूल्य ४० लाखभन्दा कम पर्ने बताउँदै आएको थियो ।

सार्वजनिक सिट्रोन ईसी३ शाइनमा लेदर स्टेरिङ ह्विल, रियर भ्यू क्यामेरा, इलेक्ट्रीकल ओआरभीएम, १५ इन्चको आकर्षक डायमण्ड कट एलोई ह्वील, फ्रन्ट र रियर स्कीड प्लेट, वाइपर र रियर डिफगर लगायत फिचरहरु थप गरिएको छ । थप गरीएका यि नयाँ सुविधाहरूले उत्कृष्ट ड्राइभिङ अनुभव गर्ने कम्पनीले जनाएको छ।

नेपालका लागि कम्पनीले यसको मुल्य ३५ लाख ९९ हजार रुपैयाँ तोकेको छ। फिचर थप भएसंगै यो कार फिल भेरिएन्टको तुलनामा जम्मा १ लाख रुपैयाँले मात्र महंगो परेको हो । कम्पनीले यसको फील भेरिएन्टलाई ३५ लाख र लाइभलाई ३३ लाख रुपैयाँमा बिक्री गर्दै आएको छ ।

सिट्रोन ईसी३ मा २९.२ किलोवाट आवरको लिथियम आयोन ब्याट्री तथा ४२ किलोवाट क्षमताको मोटर जडान गरिएको छ । यो कारको ब्याट्रीलाई एकपटक फुल चार्ज गर्दा ३२० किलोमिटर रेन्ज पाउन सकिने कम्पनी दावी छ । यसको ब्याट्रीलाई डिसी फास्ट चार्जरको साहयताले ५७ मिनेटमै १० देखी ८० प्रतिशतसम्म चार्ज गर्न सकिन्छ भने एसी चार्जरले १० घन्टा ३० मिनेटमा फुल चार्ज गर्न सकिन्छ । साथै यसमा पोर्टेवल चार्जिङ केवल समेत पाउन सकिन्छ ।

फ्रन्ट ह्विल ड्राइभ सिस्टम दिइएको यो कारको अधिकतम पावर ५७ पिएस र टर्क १४३ एनएम छ । यसैगरी, टप स्पिड १०७ किलोमिटर र ग्राउन्ड क्लिरियन्स १७० एमएम छ । यूरो एनक्यापको सेफ्टि टेष्टमा ४ स्टार रेटिङ पाउन सफल ईसी३ मा फ्रन्ट डुअल एयरब्याग, एबिएस र इबिडी लगायत अन्य धेरै सेफ्टि फिचर समेत पाउन सकिन्छ ।

उच्च प्रविधि र परिष्कृत सुविधाहरूले सुसज्जित सिट्रोन ई-सीथ्री शाइन कार पारखीहरूका लागि उपयुक्त विकल्प हुने कम्पनीको दाबी छ। यसले स्टाइल र फिचर दुवैलाई महत्व दिने बताइएको छ।

सिट्रोनको बारेमा संक्षिप्त जानकारी

सिट्रोन (Citroën)  प्रसिद्ध फ्रान्सेली अटोमोटिभ ब्रान्ड हो जसको लेगसी १०३ वर्षभन्दा लामो छ । अटोमोटिभ उद्योगमा सिट्रोनले नवीनता, डिजाइनमा उत्कृष्टता र इन्जिनियरिङ क्षमताको प्रतीकको रूपमा स्थापित गरेको छ । फ्रान्समा स्थापित सिट्रोनले भारतमा निर्माण कार्यहरूसहित आफ्नो विश्वव्यापी उपस्थिति लाई विस्तार गरिरहेको छ ।

१९१९ देखि, सिट्रोनले सामाजिक परिवर्तनहरू रुपान्तरण गर्न सवारी साधन, प्रविधि, र यातायात समाधानहरू विकास गरेको छ । ग्राहककोअनुभवलाई प्राथमिकता दिँदै आइरहेको सिट्रोनले शहरी क्षेत्रका लागि डिजाइन गरिएका इलेक्ट्रिक मोबिलिटी AMI, साथै एसयूभी (SUV) सेडान (Sedan), र इलेक्ट्रिक तथा प्लग- इन हाइब्रिड पावरट्रेनहरू भएका व्यवसायिक सवारी साधनहरू सहित विभिन्न मोडेलहरू सार्वजनिक गरेको छ ।

व्यक्तिगत तथा व्यवसायिक ग्राहकहरूको प्रयोजनलाई ध्यानमा राखी बनाइएको अग्रणी ब्रान्ड, सिट्रोन १०१ देशहरूमा उपलब्ध  छ भने यसका विश्वब्यापी रुपमा ६२०० वटा बिक्री तथा सेवा नेटर्वहरु मार्फत आफ्नो सेवा प्रदान गररिहेको छ ।।