क्रिकेट समर्थकको ध्यान अहिले अमेरिका र वेस्ट इन्डिजमा हुने आईसीसी टी २० विश्वकप २०२४ ले तानेको छ। आयोजक अमेरिकाले आइतबार क्यानडासँग खेल्दै विश्वकपको सुरुवात गर्दै छ। उद्घाटन खेलमा अमेरिका र क्यानडाले खेलेसँगै यी दुई टोलीले विश्वकपमा औपचारिक रुपमा ‘डेब्यु’ गर्नेछन्।
अर्थात् अमेरिका, क्यानडासँगै युगाण्डाले पहिलो पटक विश्वकप खेल्दै छ। आयोजक राष्ट्रको हैसियतमा अमेरिकाले सिधै विश्वकपमा स्थान बनाउँदा क्यानडाले बर्मुडालाई हराउँदै विश्वकपमा स्थान पक्का गरेको थियो। युगान्डाले दक्षिण अफ्रिका छनोटमा जिम्बाब्वेलाई हराउँदै विश्वकपमा ‘डेब्यु’ गर्न लागेको हो।
विश्वकपको नवौँ संस्करणसम्म आइपुग्दा सन् २००७ को पहिलो संस्करणमा श्रीलंकाले केन्याविरुद्ध २ सय ६० रनको योगफल तयार पारेको थियो। यो नै विश्वकपमा अहिलेसम्म सर्वाधिक ठूलो स्कोर हो। यस्तै सन् २०१४ मा श्रीलंकाले नेदरल्यान्ड्सलाई ३९ रनमा अलआउट भएको थियो।
विश्वकपमा अहिलेसम्म भारतीय टोलीका पूर्वकप्तान महेन्द्रसिंह धोनीले सर्वाधिक कप्तानी गरेका छन्। उनले सन् २००७ देखि २०१६ सम्म ३३ खेलमा कप्तानी सम्हालेका छन्। यस्तै वेस्ट इन्डिजका ड्यारेन सामीले सन् २०१२ र २०१६ मा टोलीले विश्वकप जित्दा १८ खेलमा टोलीको कप्तानी गरेका थिए।
भारतीय टोलीका कप्तान रोहित शर्मा सर्वाधिक विश्वकप खेल्ने खेलाडी हुन्। उनले सन् २००७ देखि अहिलेसम्मका सबै विश्वकपमा ३९ खेल खेलेका छन्। यस्तै बंगलादेशका सकिब अल हसनले ३६ खेल खेलेका छन्। उनले २००७ देखि अहिलेसम्मका सबै विश्वकपमा ३६ खेलमा ४७ विकेट लिँदै सर्वाधिक विकेट लिनेको शीर्ष स्थानमा छन्।
यस्तै विश्वकपमा अहिलेसम्म सर्वाधिक रन विराट कोहलीेले बनाएका छन्। टी२० विश्वकपमा विराटले सन् २०१२, २०१४, २०१६, २०२१ र २०२२ मा गरेर १ हजार १ सय ४१ रन बनाएका छन्। सन् २०२४ को विश्वकपका लागि सबैभन्दा पहिला न्यु जिल्यान्डले आफ्नो टोली घोषणा गरेको थियो। न्यु जिल्यान्डले २९ अप्रिलमा विश्वकप खेल्ने टोली घोषणा गर्दा नयाँ प्लेइङ किट पनि सार्वजनिक गरेको थियो।
सबैभन्दा ढिला टोली घोषणा भने पाकिस्तानले गरेको थियो। पाकिस्तानले मे २४ मा टोली घोषणा गरेसँगै विश्वकप खेल्ने २० टोलीले नै आफ्नो नाम आईसीसीमा बुझाएका थिए।
युनिकोड
मिति रूपान्तरण
ग्लोबल आवाज
प्रतिक्रिया