टाइगर प्यालेस रिसोर्टका कर्मचारीलाई ट्राफिक सचेतना सम्बन्धी तालिम

बुटवल । टाइगर प्यालेस रिसोर्टले आफ्ना कर्मचारीहरुलाई ट्राफिक सचेतना सम्बन्धी तालिम दिएको छ ।

रुपन्देहीको तिलोत्तमा नगरपालिका १५ मा रहेको रिसोर्टले मंगलबार आफ्ना कर्मचारीहरुलाई सवारी दुर्घटना न्यूनिकरण तथा सडक सभ्यता अभिवृद्धि सम्बन्धी प्रर्शिक्षण प्रदान गरेको हो । ट्राफिक सचेतना सम्बन्धी तालिम जिल्ला ट्राफिक प्रहरी कार्यालय रुपन्देहीका प्रमुख बजिर सिंह विष्टले दिएका थिए ।

सो अवरसमा बोल्दै उनले पछिल्लो ट्राफिक नियमको पालना नगर्दा धेरै सवारी दुर्घटना हुने गरेकाले ट्राफिक नियमको पालना गरेमा मात्रै दुर्घटना कम हुने बताए  ।  

नयाँ व्यवस्थापनले आगामी दिनहरुमा  कर्मचारीहरुलाई अझ बढी सूचनामूलक कार्यक्रमहरु निरन्तर रुपमा दिने प्रतिबद्धता मानव शंसाधान विभाग प्रमुख नवराज उपाध्ययले जानकारी दिए ।