टी२० विश्व कप तयारी : नेपालले भोलिदेखि दर्जन बढी खेल खेल्दै (तालिकासहित)

शुक्रबार, २५ फागुन २०८०

432 Shares

बुटवल । नेपाली राष्ट्रिय पुरुष क्रिकेट टोलीले टी२० विश्वकप तयारी स्वरुप भोली शनिबारदेखि फेरी व्यस्त हुने भएको छ । तयारीका लागि हङकङ पुगेको राष्ट्रिय टोलीले शनिबार हङकङसँग एक मैत्रीपूर्ण खेल खेल्दै छ भने आइतबारदेखि त्रिकोणत्मक सिरिज खेल्दै छ ।

नेपालले हङकङ र पिएनजीसँग मार्च १० देखि मार्च १३ सम्म त्रिकोणत्मक सिरिज खेल्न थालेको हो । हङकङ भ्रमणमा रोहित पौडेलको कप्तानीमा कुशल भुर्तेल, विनोद भण्डारी, गुलशन झा, सन्दीप जोरा, आरिफ शेख, विवेक यादव, करण केसी, अभिनाश बोहोरा, राशीद खान, प्रतिश जिसी र सागर ढकाल नियमितका खेलाडी छन् । टोलीमा आकाश चन्द र लोकेश बम थपिएका छन् । आकाश पहिलो पटक टि२०आई टोलीमा परेका हुन् ।

प्रशिक्षक मोन्टि देशाइले दीपेन्द्रसिंह ऐरी, आसिफ शेख, सोमपाल कामी, कुशल मल्ल, अनिल शाह र ललित नारायण राजवंशीलाई विश्राम दिएका छन् । नेपाल र हङकङले मार्च १० मा खेल्दा मार्च १२ मा पिएनजीले नेपाल र हङकङ दुवैसँग खेल्नेछ । मार्च १३ मा फाइनल हुनेछ । लिग तालिकामा तेस्रो हुने टोलीले हङकङ ए सँग टि२० खेल खेल्नेछ ।

त्यसपछि नेपालको सिनियर टोलीले घरेलु मैदानमा आयरल्यान्ड वल्भ्ससँग २ खेल खेल्नेछ । त्यसपछि नेपाल ‘ए’ ले ३÷३ टि२० र एकदिवसीय खेल्नेछ । सिनियर टोली त्यसपछि भारतमा गुजरात र बरोडासँग त्रिकोणात्मक सिरिज खेल्न जानेछ । लगत्तै ओमानमा एसीसी मेन्स प्रिमियर कपमा हुनेछ ।

मार्च २४ देखि अप्रिल ७ सम्म आयरल्यान्ड टोली नेपाल भ्रमणमा रहनेछ । यसक्रममा टोलीले नेपालको सिनियर टोलीसँग २ टि२० खेल्नेछ । त्यसबाहेक नेपाल ‘ए’ टोलीसँग ३ं÷३ एकदिवसीय र टि२० खेल हुनेछ । जुनमा हुने आइसीसी टि२० विश्वकपको तयारीस्वरूप यो सिरिज खेल्न लागिएको हो । यसलगत्तै नेपाली टोलीले ३१ मार्च देखि अप्रिल ७ सम्म भारतको गुजरात र बरोडासँग त्रिकोणात्मक सिरिज खेल्दैछ । उक्त सिरिज लगत्तै नेपाल एसीसी प्रिमियर कप खेल्न ओमान जानेछ ।

हालै सम्पन्न नेदरल्याण्ड र नामिविया बीचको टी २० सिरिज अन्तरगत फाइनलमा नेदरल्यान्ड्ससँग नेपाल ४ विकेटले पराजित भएको थियो ।

यस्तो रहेको छ नेपालको खेल तालिका

हङकङ भ्रमण (मार्च ९ देखि १३ सम्म)

फ्रेन्डसिप कप : मार्च ९- नेपाल विरुद्ध हङकङ

त्रिकोणात्मक सिरिज (मार्च १०-१३)

मार्च १० : नेपाल र हङकङ

मार्च १२ : नेपाल विरुद्ध पिएनजी

फाइनल : मार्च १३

आयरल्यान्ड ‘ए’ को नेपाल भ्रमण (मार्च २४-अप्रिल ७)

मार्च २४ : टि२० - नेपाल विरुद्ध आयरल्यान्ड ‘ए’

मार्च २५ : टि२० - नेपाल विरुद्ध आयरल्यान्ड ‘ए’

मार्च २८ : टि२० - नेपाल ‘ए’ विरुद्ध आयरल्यान्ड ‘ए’