पश्चिमी शक्तिसँग बढ्दो तनावका बीच इरानले गर्‍यो तीनवटा भूउपग्रह प्रक्षेपण

तेहरान । इरानले रक्षा मन्त्रालय र सशस्त्र बल रसद मन्त्रालय द्वारा विकसित आफ्नो वाहक रकेट प्रयोग गरेर पहिलो पटक सफलतापूर्वक तीन उपग्रहहरू प्रक्षेपण गरेको छ ।इरानको राज्य नियन्त्रित मिडियाका अनुसार तेहरानको ब्यालिस्टिक मिसाइल कार्यक्रमलाई बढावा दिने कोशेढुङ्गाको साबित भएको छ। 

उपग्रहहरूलाई आइतबार न्यूनतम ४५० किलोमिटर (२८० माइल) को कक्षामा पठाइएको थियो। ३२ किलोग्राम (७१ पाउण्ड) तौलको एउटा उपग्रह र १० किलोभन्दा कम तौलका दुईवटा नानो उपग्रहहरू सिमोर्ग (फिनिक्स) स्याटेलाइट क्यारियर रकेट प्रयोग गरेको हो ।काहान–२ र हतेफ–१ नामका नानो उपग्रहहरू न्यारोब्यान्ड कम्युनिकेसन र जियोपोजिसनिङ टेक्नोलोजी परीक्षण गर्न प्रयोग गरिने सरकारी सञ्चारमाध्यमले जनाएका छन्।

इरानी अन्तरिक्ष एजेन्सीले बनाएको महदा नामको ठूलो उपग्रहले अन्तरिक्षमा धेरै कार्गोहरू पठाउन सिमोर्ग रकेटको शुद्धता परीक्षण गर्ने लक्ष्य राख्नेछ। सिमोर्ग रकेट विगतमा धेरै पटक असफल भइसकेको थियो ।सो प्रक्षेपण इरानको ग्रामीण सेमनान प्रान्तको इमाम खोमेनी स्पेस सेन्टरबाट भएको हो ।