रुपन्देही व्यापार संघमा नेतृत्व चयनका लागि खस्यो १०८७ मत

बुटवल । रुपन्देही व्यापार संघको १२ औं अधिवेशन अन्तरगत नेतृत्व चयनका लागि शुक्रबार सम्पन्न तदानमा १०८७ मत खसेको छ । कूल १६०१ मतदाता रहेको संघमा अध्यक्ष पदका लागि वर्तमान वरिष्ठ उपाध्यक्ष डिल्लिराज भण्डारी र वर्तमान द्वितीय उपाध्यक्ष दिपकप्रसाद अधिकारी चुनावबि मैदानमा छन् ।

साँझ साढे ६ बजे मतदान सम्पन्न भए लगत्तै मत गणना सुरु हुन लागेको निर्वाचन अधिकृत तथा संघका प्रेस सल्लाहकार सुमन केसीले जानकारी दिए । आज राती नै परिणाम सार्वजनिक गर्नेगरी गणनाको तयारी भएको उनले जानकारी दिए । पदाधिकारीसहित २९ पदका लागि ४२ जना चुनावी मैदानमा रहेका छन् । 

संघमा अध्यक्ष, प्रथम उपाध्यक्ष, द्वितीय उपाध्यक्ष, सचिव, सहसचिव र कोषाध्यक्ष , सह कोषाध्यक्ष तथा १६ जना सदस्य पदका लागि मतदान भएको हो ।