बुटवलको इन्टलेक्चुअल स्कूलमा बुधबारदेखि खेल सप्ताह

बुटवल । बुटवल ११ कालीकानगरमा रहेको इन्टलेक्चुअल स्कूलमा बुधबारदेखि खेलकुद सप्ताह शुरू भएको छ । खेलकुद मार्फत विद्यार्थीको प्रतिभाको छनोट गर्नका लागि आयोजित सप्ताहका क्रममा सदनात्मक तथा कक्षागत रूपमा विद्यार्थीहरुलाई विभाजन गरि प्रतियोगिता गराइएको छ ।

नर्सरीदेखि कक्षा १० सम्मका विद्यार्थी सहभागी हुने खेलकुद कार्यक्रममा भलिबल, फुटसल, रीले दौड सटपट, हाइजम्प, लङजम्प, टेबलटेनिस, ब्याटमिन्टन, ज्यावलिङ थ्रो, कुर्चिदौड, साइकिल दौड, बास्केटबल, खो खो लागायतका खेलहरूमा प्रतिस्प्रर्धा गराईने छ। खेल सप्ताहको उद्घाटन गर्दै स्कूल सञ्चालक तथा प्रबन्ध निर्देशक रामराज पोख्रेलले खेलकुदले विद्यार्थीको प्रतिभा प्रस्फुटनका लागि सहयोग गर्ने बताए ।

अतिरिक्त क्रियाकलाप संयोजक सुरज  बिकको अध्यक्षतामा भएको उदघाटन कार्यक्रमको सन्चालन कोर्डिनेटर मित्रजन भन्डारीले गरेका थिए । खेलासप्ताह आइतबारसम्म सञ्चालन हुने छ ।