भारतीय दुताबासलाई योजना सिधै बाड्न दिन नहुने कमल थापाको मत

काठमाडौं । राप्रपा नेपालका अध्यक्ष कमल थापाले भारतीय दुतावासले सिधै २० करोडसम्म बाढ्न पाउने अनुमति दिन लागेकोमा बिरोध गरेका छन् । आजदेखि नेपाल भ्रमणमा आउन लागेका भारतीय बिदेश मन्त्री एसजयशंकरको भ्रमणको क्रममा सो सहमति गर्न लागेको भन्दै थापाले आपत्ति जनाएका हुन ।  

‘भारतीय राजदुतावासले बिकास निर्माणको नाममा सिधै २० करोडसम्मको योजना कार्यान्वयन गर्नसक्ने सम्झौता हुनलागेको सुनिन्छ।यो गलत र आत्मघाती काम नगर्न प्रधानमन्त्रीलाई आग्रह गर्दछु,’ थापाले सामाजिक सञ्जालमा भनेका छन, ‘विगतमा भएको गल्ती सच्याउनुको सट्टा थप गल्ती नगरौं।यसले समानान्तर सरकारको रुप लिन्छ,जुन नेपालको हितमा हुँदैन ।’