रुपन्देहीबाट मलामी बोकेर गएको बस गैंडाकोटमा दुर्घटना, ८ जना घाईते

बुटवल । रुपन्देहीको कञ्चन गाउँपालिकाबाट मलामी लिएर गएको बस गैंडाकोटमा गएराती दुर्घटना हुँदा ८ जना घाइते भएका छन् । देवघाट मलामी लिएर गएको लु १ ख ८८४६ नम्बरको बस भुस बोकेको ट्रकसँग ठोक्किएको हो ।

गैंडाकोटको जयश्री पुल नजिकै पश्चिम तर्फ आउँदै गरेको ना ३ ख ३८६७ नम्बरको ट्रकसँग ठोक्किएको हो । दुर्घटनामा बसमा सवार रुपन्देही कञ्चन गाउँपालिका-३ का धनप्रसाद निउरे, टिकादेवी गौतम, धनपति सापकोटा, युवराज शर्मा लगायत घाईते भएको जिल्ला प्रहरी कार्यालय नवलपुरले जनाएको छ। घाइते मध्ये १ जनालाई थप उपचारक लागि काठमाडौं रिफर गरिएको छ भने २ जनाको चितवन मेडिकल कलेजमा उपचार भइरहेको छ । ५ जना भने सामान्य उपचारपछि घर फिर्ता भएको चितवन मेडिकल कलेजले जनाएको छ।

कञ्चनबाट नेपाली कांग्रेसका नेता तथा साबिक रुद्रपुर गा.बि.सका तत्कालिन सभापति देबी प्रसाद पौडेलको अन्त्यस्टीका लागि देवघाटतर्फ लगिएको थियो।