नमस्ते एकेडेमीको श्रीलंकामा उत्कृष्ट प्रदर्शन

कोलम्बो। श्रीलंकाको राजधानी कोलम्बोमा सम्पन्न १० ओँ अन्तर्राष्ट्रिय सोतोकन खुला कराँते प्रतियोगितामा नेपालको रुपन्देही जिल्लाको तिलोत्तमा नगरपालिका–१४ स्थित अन्तर्राष्ट्रिय विद्यालय नमस्ते एकेडेमीमा अध्ययनरत ७ जना विद्यार्थी सहभागी भइ उत्कृष्ट प्रदर्शन गरेका छन ।

१० औं अन्तर्राष्ट्रिय जापान सोतोकन खुल्ला कराँते प्रतियोगितामा पाँच राष्ट्रलाई पछि पार्दै ३ स्वर्ण , २ रजत र ३ कास्य पदक प्राप्त गर्न सफल भयका छन बन्दरागमन अन्तर्राष्ट्रिय इन्डोर स्ट्डियममा भएको खेलमा नेपाल , भारत , श्रीलंका , पाकिस्तान र माल्दिब्सका खेलाडीहरुको सहभागिता रहेको थियो।

श्रीलंकाको राजधानी कोलम्बोमा नेपालको प्रतिनिधित्व गर्दै श्रीलंकामा रहेका नमस्ते एकेडेमीका विद्यार्थीहरु देवकुमार शाहले कुमिते बिधामा एक स्वर्ण र काँता बिधामा १ रजत तथा बेद जैसवाल र अन्स चौधरीेले कुमिते बिधामा स्वर्ण पदक प्राप्त गर्न सफल भए । त्यसै गरी आइलेसजङ्ग थापाले रजत पदक र नितिशा श्रेष्ठ , हिमानी थापा मगर र ,वीरबहादुर कुमालले कास्य पदक पाई उत्कृष्ट प्रदर्सन गर्दै नेपाल र नेपालीको नाम दक्षिण यसियामा चम्काउन सफल भएको टिम व्यवस्थापक विद्यालयका संस्थापक प्राचार्य राजेन्द्र कुँवरले जानकारी दिए ।

समुदघाटन समारोहमा नेपाल र नेपालीको  खेलाडीको खेललाई  हौसला दिन श्रीलंका  पुगेका नेपालका चर्चित न्युरोलोजिस्ट डाक्टर लेखजङ्ग थापाले आफ्नो कला र सीप प्रर्दशन गर्दै आफ्नो,राष्ट्रको गौरव राख्दै उत्कृष्ट खेल खेलेर देशलाई विश्वमाझ चिनाउन आग्रह गरे। सहभागी राष्ट्का खेलाडीलाई  हौसला दिँदै यस्तो भव्य र सभ्य खेल आयोजना गर्ने श्रीलङ्कन कराँतेएसोसिएसनलाई एक लाखको चेक हस्तान्तरण गरे ।

नेपाल र नेपालीको नाम विदेशी भूमिमा चिनाउन सफल कराँते र यसका खेलाडी , कोच र रेफ्रीलाई राज्यले उचित ध्यान दिनु पर्ने खेल प्रशिक्षक कमरुद्दिन अलीले बताए। नमस्ते एकेडेमीले यसअघि २०२२ मा श्रीलंका र २०२३ मा मलेसिया गएर खेल खेलेर च्याम्पीयन हुँदै ट्रफी लिएर आएको थियो ।