दशैं मनाएर स्याङ्जादेखि बुटवलतर्फ आउँदै गर्दा दुर्घटनामा परी एक पुरुषको मृत्यु

बुटवल । दशैं मनाएर स्याङ्जादेखि बुटवलतर्फ आउँदै गर्दा पाल्पामा सवारी दुर्घटनामा परी उक पुरुषको ज्यान गएको छ । दुर्घटनामा परी मृत्यु हुनेमा स्याङ्जा वालिङ नगरपालिका–५ का ४१ वर्षीय मोहनीलाल थापा रहेका छन् ।

जिल्ला प्रहरी कार्यालय पाल्पाका अनुसार लु १४ प ८८७१ नम्बरको मोटरसाइकलमा सवारी उनी पाल्पाको माथागढी–१ बिरौटामा शनिबार दिउँसो दुर्घटनामा परेका थिए । सिद्धार्थ राजमार्ग अन्तरगत विरौटामा दुर्घटनामा परी घाइते भएका उनलाई थप उपचारका लागि जिल्ला अस्पताल पाल्पा पठाइएकोमा डाक्टरले मृत घोषणा गरेका थिए । घटना बारे थप अनुसन्धान जारी रहेको जिल्ला प्रहरी कार्यालयका प्रहरी नायव उपरीक्षक सुगन्ध श्रेष्ठले जानकारी दिएका छन् ।