पाल्पामा जीपको ठक्करबाट २८ वर्षीय सुधन भट्टराईको मृत्यु

बुटवल । पाल्पामो सवारी दुर्घटनामा परी बुधबार एक युवाले ज्यान गुमाएका छन् । जिल्ला प्रहरी कार्यालय पाल्पाका अनुसार बगनासकाली कागाउँपालिका–९ चापपानी स्थित भित्री सडकमा जीपको ठक्करबाट घाइते मोटरसाइकल चालक सोही गाउँपालिका वडा नम्बर ७ का २८ वर्षीय सुधन भट्टराईको ज्यान गएको हो ।

भट्टराईको उपचारका क्रममा काठमाडौंको ग्राण्डी अस्पतालमा बुधबार साँझ मृत्यु भएको चिकित्सकले घोषणा गरेका हुन् । भट्टराई सवार लु ५५ प ६८५६ नम्बरको मोटरसाइकललाई विपरित दिशाबाट आउँदै गरेको लु १ ज १७५९ नम्बरको बलेरो जीपले ठक्कर दिएको थियो । दुर्घटनामा भाइते भट्टराईलाई उपचारका लागि मिसन अस्पताल पाल्पा पठाइएकोमा थप उपचारका लागि हेलिकप्टरद्वारा काठमाडौं पुर्याइएको थियो ।