हतियारसहित गएराती ४ युवा पक्राउ

कैलाली । कैलालीमा ४ जना हतियार सहित पक्राउ परेका छन् ।पक्राउ पर्नेमा अर्जुन बिक, रामचन्द्र चौधरी ,नरेश डगौरा र सचिन चौधरी रहेको इलाका प्रहरी कार्यालय लम्कीले जनाकारी दिएको छ ।

बुधबार राति जिल्लाको लम्की चुहा नगरपालिका वडा नं. १ भुरुवाबाट उनीहरूलाई प्रहरीले पक्राउ गरेको हो । उनीहरूको साथबाट प्रहरीले प्वाइन्ट २२ हर्नेट (बन्दुक), म्यागेजिन, गोली, बारुद बरामद गरेको छ ।

लम्की प्रहरीको गस्तीमा खटिएको टोलीले कुन्तीखेत जाने बाटोको छेउमा बसेको अवस्थामा उनीहरूलाई खानतलासी गर्दा उनीहरूको साथबाट हतियार तथा त्यसमा प्रयोग हुने गोली बरामद गरेको हो ।

उनीहरूलाई नियन्त्रणमा लिई अनुसन्धान भइरहेको जिल्ला प्रहरी कार्यालय कैलालीका प्रहरी निरीक्षक सन्तोष बस्यालले जानकारी दिए ।