एसिया कप क्रिकेट : आज साविक विजेता श्रीलङ्का र बंगलादेश भिड्दै

बुटवल । एसिया कप क्रिकेटअन्तर्गत आज दोस्रो खेलमा सहआयोजक श्रीलंका र बंगलादेश भिड्दैछन् । यो खेल नेपाली समयअनुसार दिउँसो ३ः१५ बजे श्रीलंकाको क्यान्डीस्थित पल्लेकेले क्रिकेट रंगशालामा हुनेछ ।

घरेलु मैदानमा आज साविक विजेता स्पष्ट जितको खोजीमा हुनेछ । हुन पनि एकदिवसीय क्रिकेटमा श्रीलंका बंगलादेशमाथि हाबी छ । यी टोलीबीच ५१ प्टक भेट हुँदा श्रीलंकाले ४० खेल जितेको छ । बंगलादेशले भने नौ खेलमा मात्र जित्न सफल भएको छ । यी दुई टोलीबीचका दुई खेल भने नतिजा नआइ सकिएका छन् ।

यता, विगतको इतिहास बिर्सिएर बंगलादेश भने पाँच पटकको विजेता श्रीलंकामाथि आज स्तब्ध नतिजा ल्याउने धुनमा हुनेछ ।