काठमाडौँ । नेकपा एमालेका अध्यक्ष केपी शर्मा ओलीले अमेरिकी सहयोग परियोजना एमसीसीका बारेमा तत्कालीन सरकारले जनतालाई ढाँटेको आरोप लगाएका छन् ।
अध्यक्ष ओलीले अमेरिकी सहयोग कार्यक्रम एमसीसी सम्झौताका विषयमा संसदले पासा गरेको १२ बुँदे व्याख्यात्मक घोषणाको कुनै अर्थ नभएको बताएका छन् ।
उनले तत्कालीन सत्तापक्षले जनता झुक्याउन व्याख्यात्मक घोषणा पास गरे पनि एमसीसीले त्यसलाई नमान्ने उनले बताए। यद्यपि एमसीसी नेपालको संसदले अनुमोदन गरेका हुनाले कार्यान्वयनमा जाने ओलीले बताए ।
अध्यक्ष ओलीले भने, ‘तत्कालीन सरकारका प्रधानमन्त्री तथा परराष्ट्रमन्त्रीले सांसदलाई धोका दिनुभयो, झुट बोल्नुभयो र प्रभाव पारेर पास गराउने गलत बाटो लिनुभयो। पहिला नै पास गर्दा ठीक हुन्छ ? हुँदैन भनेर छलफल गर्नु पर्थ्यो । तर उहाँहरूले केही गर्नु भएन ।’
अध्यक्ष ओलीले प्रधानमन्त्री तथा मन्त्रीको नाम भने लिएनन्। एमसीसी सांसदबाट पास गर्दा शेरबहादुर देउवा प्रधानमन्त्री थिए। १२ बुँदे घोषणा नै झुटको खेती भएको समेत उनको आरोप रहेको छ ।
१२ बुँदे व्याख्यात्मक घोषणालाई सम्झौताको अंग हुन्छ भनेर तत्कालीन प्रधानमन्त्री र परराष्ट्रमन्त्रीले संसदमा झुट बोलेको ओलीले बताए ।
‘संसदले अनुमोदन गरेको कुरा कार्यान्वयनमा जान्छ’, ओलीले भने, ‘त्यो १२ बुँदे घोषणा भन्ने जुन झुटको खेस्रो छ, त्यो झुटको खेस्रो उहाँहरुले (सत्तापक्षले) नेपाली जनतालाई दिएको धोका मात्रै हो, त्यो धोकाको एउटा प्रमाण हो ।’
ओलीले एमसीसीबारे वर्तमन प्रधानमन्त्री प्रचण्डले पनि केही सोध्न जरुरी नभएको भन्दै सबै कुरा प्रष्ट भइसकेको बताए। ‘हिजो मात्रै प्रधानमन्त्रीले म सोध्छु भन्नुभएछ। सोध्नु किन पर्यो ? उहिले नै एमसीसीले जवाफ दिएको छ। उहिले नै भनेको छ यो सम्झौता हो। योभन्दा आरोप केही पनि हुँदैन। कसका के कति बुँदे घोषणा हामीलाई कुनै सरकार छैन। हामी जान्दैनौं उसैबेला भनेको छ। उहाँले सोध्ने पनि होइन,’ ओलीले भने ।
एमसीसीका उपाध्यक्ष क्यामरन एस अलफोर्ड तीन दिने भ्रमणमा लागि मंगलबार नेपाल आइपुगेका छन्। उनी नेपाल आएकै दिन प्रधानमन्त्री प्रचण्डले १२ बुँदे व्याख्यात्मक घोषणालाई सम्झौताको टिप्पणी बनाउने कि नबनाउने भनेर एमसीसीका अधिकारीसँग सोध्ने बताएका थिए। यद्यपि नेपालस्थित अमेरिकी दूतावासले मंगलबार नै विज्ञप्ति जारी गरेर व्याख्यात्मक घोषणा स्वीकार्ने बताइसकेको छ ।
युनिकोड
मिति रूपान्तरण
ग्लोबल आवाज
_PKxhkooYc4.jpg)
प्रतिक्रिया