चितुवाको छालासहित दाङमा दुईजना पक्राउ

माघ १३,

ग्लोबल आवाज

दाङ । दाङको घोराहीमा चितुवाको छालासहित २ जना पक्राउ परेका छन् । पक्राउ पर्नेमा दंगीशरण गाउँपालिका–१ बस्ने २४ का चेतबहादुर पुन र सोही ठाउँकै सौगात घर्ती पक्राउ परेको जिल्ला प्रहरी कार्यालय दाङका प्रहरी नायव उपरीक्षक सुमित खड्काले जानकारी दिए ।

विशेष सूचनाको आधारमा जिल्ला प्रहरी कार्यालय घोराहीबाट खटि गएको प्रहरी टोलीले पुन र घर्तीलाई घोराही उपमहानगरपालिका १४ बसर्पाकबाट चितुवाको छालासहित पक्राउ गरेको हो । प्रहरीले टाउको, बंगराको भागदेखि पुच्छरसम्मको पुरै भाग भएको चितुवाको छाला बरामद गरेको हो । पक्राउ परेका दुबै जनाको विषयमा थप अनुसन्धान भइरहेको प्रहरीले जनाएको छ ।