इन्जिनियरिङ अध्ययन संस्थानले गरेको शुल्क वृद्धि तत्काल फिर्ता हुनुपर्छः प्रदीप पौडेल

काठमाडौँ । नेपाली कांग्रेसका सांसद प्रदीप पौडेलले त्रिभुवन विश्वविद्यालय अन्तर्गतको इज्नीनियरिङ अध्ययन संस्थानले गरेको शुल्क वृद्धि गर्ने निर्णय फिर्ता लिन माग गरेका छन् । 

बिहीबार प्रतिनिधि सभाको शून्य समयमा बोल्दै सांसद पौडेलले २ सय प्रतिशत शुल्क वृद्धि गरिएको बताउँदै इन्जिनियरिङ शिक्षामा गुणस्तरीयता कायम गरेको र सामान्य जनताको पहुँच हुने अध्ययन संस्थामा अनुचित शुल्क वृद्धि भएको बताए । 

‘इन्निनियरिङ अध्ययन संस्थानमा जुन ढंगबाट शुल्क वुद्धि भएको छ, त्यो अस्वभाविक छ। तत्काल शुल्क वृद्धिको निर्णयलाई फिर्ता लिइएर विद्यार्थीहरुको मागलाई पूरा गरियोस्,’ उनले भने ।

देशकै सबैभन्दा जेठो विश्वविद्यालय भएर पनि त्रिवि असाध्यै भद्रगोल तरिकाबाट सञ्चालन भइरहेको बताउँदै उनले शिक्षा मन्त्रालयलाई श्वेतपत्र जारी गर्न आग्रह गरेका छन् ।

इन्जिनियरिङ्ग अध्ययन संस्थानले गत भदौ ४ गते सूचना प्रकाशित गरी स्नातक तहअन्तर्गत बी.ई.रबी.आर्क अध्ययनका लागि शुल्क वृद्धि भएको जानकारी गराएको थियो ।

शुल्क वृद्धिको निर्णय फिर्ता हुनुपर्ने माग राख्दै नेविसंघ पुल्चोक इन्जिनियरिङ क्याम्पसका इकाई अध्यक्ष सुलभ चापागाईँ तीन दिनदेखि आमरण अनशनमा छन् ।

तत्काल शुल्क वृद्धिको निर्णयलाई फिर्ता लिएर विद्यार्थीहरूको मागलाई पूरा गर्न ध्यानाकर्षण गराएका हुन्। त्रिभुवन विश्वविद्यालय भद्रगोल तरिकाले चलिरहेको बताउँदै त्यसलाई सुधार गर्नका लागि श्वेतपत्र जारी गर्न शिक्षा मन्त्रालयलाई आग्रह गरेका छन् ।