माओवादी केन्द्र लमजुङकाे संयाेजककाे जिम्मेवारी हेरफेर, संयाेजकमा पाैडेल

लमजुङ ।  नेपाल कम्युनिष्ट पार्टी (माओवादी केन्द्र) लमजुङकाे संयाेजककाे जिम्मेवारी रामचन्द्र पाैडेललाई दिइएकाे छ । नेकपा माओवादी केन्द्र गण्डकी प्रदेशको सातौङ पूर्ण बैठकले पाैडेललाई जिल्ला संयाेजककाे जिम्मेवारी दिएकाे हाे ।

बैठकले यस अघि पार्टीले दिएकाे जिम्मेवारी हेरफेर गरेकाे हाे । यस अघि लमजुङ जिल्ला संयाेजकमा लालबहादुर गुरूङ थिए ।नवनियक्त जिल्ला समन्वय संयाेजक पाैडेल यस अघि जिल्ला कमिटीकाे सचिव थिए । लमजुङकाे मध्यनेपाल नगरपालिका वडा नं. ६ भाेर्लेटारका निबासी पाैडेलले याेंग कम्युनिष्ट लिग नेपाल लमजुङकाे अध्यक्षसमेत भइ काम गरिसकेका छन् ।

प्रदेश कमिटी वैठकले लमजुङ जिल्ला इन्चार्जमा आशा कोईरालालाइ जिम्मेवारी दिएकाे छ । यसअघि लमजुङ जिल्ला इन्चार्जमा पारसमणि पाेडेल थिए । नेकपा माओवादी केन्द्रले अहिले “जनतासँग माओवादी विशेष रूपान्तरण अभियान” सञ्चालनन गरिरहेकाे छ । “घरघरमा माओवादी, जनजनमा माओवादी” भन्ने नाराका साथ शुरू यस अभियानअन्तर्गत पार्टी सदस्य संख्या ८ लाख पुर्‍याउने लक्ष्य राखिएकाे छ ।

यस अभियानअन्तर्गत २५ लाख मतदातासंग प्रत्यक्ष भेट गरी माओवादी नेतृत्वकाे सरकारले सुशासन, समृद्धि र सामाजिक न्यायकाे क्षेत्रमा गरेकाे कामकाे बारेमा जानकारी गराउने लक्ष्य राखिएकाे छ । यस अभियानका लागि केन्द्रीय सदस्य रहेका नेताहरूलाइ सबै पालिकामा खटाइएकाे छ । त्यस्तै प्रदेश कमिटीका सदस्यहरूलाइ वडा वडामा खटाइएकाे छ ।