बुटवल उपमहानगरले उत्कृष्ट लोगो बनाउनेलाई २५ हजार पुरस्कार दिने

बुटवल । बुटवल उपमहानगरपालिकाले आफ्नो प्रतीक चिन्ह (लोगो) बनाउनेलाई २५ हजार रुपैयाँ दिने भएको छ । उपहानगरले आइतबार एक सूचना निकाल्दै उपमहानगरपालिकाको पहिचान झल्किने गरी लोगो निर्माण गर्न लागेकोले इच्छुक व्यक्तिहरुका लागि सार्वजनिक रुपमा आह्वान गरेको हो ।

लोगो निर्माण गर्दा उपमहानगरपालिकाको नाम र नेपालको झण्डा अनिवार्य, उपमहानगरपालिकाको ऐतिहासिक, भौगोलिक, प्राकृतिक, सामाजिक, सांस्कृतिक एवम् विशिष्ट मौलिक पहिचान झल्किने हुनुपर्ने सूचनामा उल्लेख गरिएको छ । छनोट भएको उत्कृष्ट प्रतिक चिन्ह (लोगो) लाई बुटवल उपमहानगरपालिकाले आफ्नो प्रतिक चिन्ह (लोगा) का रुपमा प्रयोग गर्ने छ भने डिजाइनकर्तालाई उपमहानगरपालिकाले २५ हजार रुपैयाँ नगद पुरस्कार र सम्मानपत्र प्रदान गरिने सूचनामा उल्लेख छ।

लोगो सामूहिक रुपमा बनाउन नपाइने उपमहानगरपालिकाले जनाएको छ । लोगो भदौ २४ गते भित्र निर्माण गरी बुटवल उपमहानगरको इमेलमा पठाउनु पर्नेछ ।