बुटवल । अब बुटवलमा डेंगीको संक्रमण भए नभएको परीक्षण ६ सय रुपैंयामा हुने भएको छ । बुटवल उपमहानगरपालिकाको अनुरोधमा मेलान रुपन्देहीले तीन महिनाको लागि ६ सय रुपैंयामा डेंगीको संक्रमण भए नभएको परीक्षण गर्ने निर्णय गरिएको मेलान रुपन्देहीका अध्यक्ष नारायण पौडेलले जानकारी गराए ।
यस अगाडि डेंगी परीक्षण गरे वापत १ हजार रुपैंया लिईँदै आएको र बुटवल उपमहानगरपालिकाको विशेष सहयोगमा विरामीलाई सहुलियत प्रदान गर्ने गरी निर्णय गरिएको उजले जानकारी गराए । देशभर महामारीको रुपमा फैलिरहेको डेंगी संक्रमण नियन्त्रणको लागि नगरपालिकाले त्यस विरुद्धको अभियान सञ्चालन गरेको छ भने बुटवल उपमहानगरपालिका पनि उच्च जोखिममा रहेको औंल्याउँदै नगरप्रमुख स्तरीय निर्णय गरेर नगरपालिकाको विशेष सहयोगमा डेंगी संक्रमण परीक्षण दस्तुर ६ सय रुपैंया हुनेगरी लागु गर्न सम्बन्धित स्वास्थ्य संस्थाहरु (ल्याव)लाई अनुरोध गरिएको थियो ।
मेलान रुपन्देहीको बुधबार साँझ बसेको बैठकले नगरपालिकाको अनुरोध अनुसार २०८० असोज मसान्त सम्मको लागि ६ सय रुपैंयामा डेंगी संक्रमण परीक्षण गर्ने निर्णय गरिएको अध्यक्ष पौडेलले बताए ।
युनिकोड
मिति रूपान्तरण
ग्लोबल आवाज
प्रतिक्रिया