रोल्पामा बस दुर्घटना : ४ जनाको मृत्यु, १९ घाइते

बुटवल । रोल्पामा यात्रवाहक बस दुर्घटनामा परेको छ । शहीदमार्ग अन्तर्गत रोल्पा बागमाराबाट दाङ घोराहीतर्फ आउँदै गरेको ना ५ ख २६१२ नम्बरको बस परिवर्तन गाउँपालिकाको वडा नं। ७ ऋचि भन्ने ठाउँको घुम्तीमा दुर्घटनामा परेको हो ।

दुर्घटनामा परी ४ जनाको मृत्यु भएको जिल्ला प्रहरी कार्यालय रोल्पाको प्रहरी प्रमुख श्याम सारुले जानकारी दिए । मृत्यु हुनेमा रोल्पाको माडी गाउँपालिका-२ बस्‍ने २१ वर्षीय प्रकाश बाँठा, माडी गाउँपालिका-४ का ५० वर्षीय गोर्खे डाँगी र उनकी ५० वर्षीया श्रीमती हस्त डाँगी तथा परिवर्तन गाउँपालिका३ का ४६ वर्षीय भक्तबहादुर विक रहेका प्रहरी प्रमुख सारुले बताए ।

यस्तै दुर्घटनामा परी १९ जना घाइते भएको भएको प्रहरी प्रमुख सारुले बताए । घाइते मध्य २ जनाको अवस्था गम्भीर रहेको उनले बताए । पानी परिरहेकाले कच्ची सडक चिप्लिएर दुर्घटना भएको हुन सक्ने बताए ।