कपिलवस्तुमा महिला कर्मचारीमाथि बलात्कारको प्रयास गर्ने स्वास्थ्य प्रमुख विरुद्ध उजुरी, आरोपित सम्पर्कविहीन

बुटवल । कपिलवस्तुको शिवराज नगरपालिकाकी एक महिला कर्मचारी माथि बलात्कारको प्रयास गरेको अरोपमा आधारभुत स्वास्थ्य केन्द्र चन्द्रौटाका प्रमुखसहित २ जना विरुद्ध उजुरी परेको छ । नगरपालिकाले सन्चालन गरेको आधारभुत स्वास्थ्य केन्द्र चन्द्रौटाका प्रमुख लेखनाथ पौडेल र शिवराज नगरपालिकाका भुवन पाण्डेले राति डिउटीमा खटिएका महिला कर्मचारी माथि मदिरा सेवन गरी बलात्कारको प्रयास गरेको भन्दै प्रहरीमा उजुरी परेको हो ।

यस विषयमा ग्लोबल आवाजले साउन १४ गते कपिलवस्तुमा स्वास्थ्य केन्द्रका प्रमुखद्वारा मदिरा सेवन गरी महिला कर्मचारीमाथि बलात्कार प्रयास शिर्षकमा समाचार प्रकाशित समेत गरेको थियो । वडा प्रहरी कार्यालय चन्द्रौटाका प्रहरी निरीक्षक शेखर जङ्ग मल्लले पौडेल र उनका साथी नगरपालिका वडा नम्बर–३ का भुवन पाण्डेयमाथि जबरजस्ती करणी उद्योग अन्तर्गत मुद्धा दर्ता भएको बताए । आरोपित दुवै जना सम्पर्कविहीन रहेका र उनीहरु विरुद्ध पक्राउ पुर्जी पनि जारी भइसकेको उनले बताए । नगरपालिकाले स्वास्थ्य प्रमुख पौडेललाई जिम्मेवारीबाट हटाइसकेको छ । उनलाई नगरपालिकाले साउन २ गते मात्रै जिम्मेवारी दिएको थियो ।

साउन १२ गते शुक्रबार राति करिब १ बजे मदिरा सेवन गरी आधारभुत स्वास्थ्य केन्द्र चन्द्रौटाका प्रमुख पौडेल र भुवन पाण्डेले महिला कर्मचारीलाई बलात्कारको प्रयास गरेको गरेको थिए ।