रुपन्देहीको सैनामैनाबाट खैरो हेरोईनसहित ४ युवा पक्राउ

बुटवल । ईलाका प्रहरी कार्यालय सालझण्डीले रुपन्देहीको सैनामैना–१० सालझण्डी बजारबाट लागुऔषधसहित ४ युवालाई पक्राउ गरेको छ । लागु औषध खैरो हेरोईनको खरिद बिक्री कारोवार भईरहेको गोप्य सुचनाको आधारमा प्रहरीले सोमबार उनीहरुलाई पक्राउ गरेको हो ।

पक्राउ पर्नेमा कञ्चन गाउँपालिका-५ बस्ने १८ वर्षीय प्रतिक थापा, सैनामैना-१० का २६ वर्षीय ‘पट’ भन्ने सुनिल थारू, सोही स्थानका २८ वर्षीय ‘जिसस’ भन्ने जित बहादुर दर्लामी र २५ वर्षीय ‘डि के’ भन्ने दिनेश कुमार पुन रहेका छन् । शरिर खानतलासी गर्दा उनिहरुको साथबाट ३२ थान पुडियामा गरी जम्मा २५६० मिली ग्राम लागु औषध खैरो हेरोईन फेला पारीएको प्रहरीले जनाएको छ ।