अनेरास्ववियू क्रान्तिकारी पक्लिहवा क्याम्पसले विविध कार्यक्रम गरि मनायो गणतन्त्र दिवसमा

बुटवल । अनेरास्ववियू ( क्रान्तिकारी ) पक्लिहवा क्याम्पसले भव्यताका साथ १६ औं गणतन्त्र दिवस दुई दिन विविध कार्यक्रमको आयोजना गरी मनाएको छ। गणतन्त्रको विकल्प सुधृद् गणतन्त्र नै भएको भन्दै अनेरास्ववियू ( क्रान्तिकारी ) पक्लिहवा क्याम्पसले गणतन्त्रको सम्मान स्वरूप विभिन्न कार्यक्रम आयोजना गरेको थियो।

१५ गते बिहान ८ बजे भीम अस्पतालमा अनेरास्ववियू ( क्रान्तिकारी ) भैरहवा बहुमुखी क्याम्पसको संयुक्त आयोजनामा सुत्केरी महिलाहरूलाई फलफूल वितरण गरेको थियो। गणतन्त्र प्राप्तिका लागि महान आमाहरुका वीर सन्तानहरूको मुख्य भूमिका भएको हुनाले महान आमाहरुलाई सम्मान स्वरुप फलफूल वितरण गरेको अनेरास्ववियू ( क्रान्तिकारी ) पक्लिहवा क्याम्पस अध्यक्ष कमरेड मधुसुदन गाहाले बताए।

त्यसैगरी गणतन्त्र प्राप्तिको लागि सहादत प्राप्त गर्नु भएका सम्पूर्ण ज्ञात अज्ञात वीर सहिदहरुको सम्झना र सम्मान स्वरुप साझ ६:३०बजे पक्लिहवा क्याम्पस स्थित मिमुरा पार्कमा दीप प्रज्जलन गरी वीर सहिदहरु प्रति श्रद्धञ्जली प्रकट गर्दै १५ गतेको कार्यक्रम सम्पन्न गरेको थियो।

त्यसैगरी १६ गते भने क्याम्पस परिसर वरिपरि बृहत सरसफाई कार्यक्रम आयोजना गरी त्यस पश्चात वातावरणीय संरक्षणको उदेश्य साथ वृक्षारोपण कार्यक्रम सम्पन्न गरेको थियो। वृक्षरोपण गर्नु ठूलो कुरा मात्र नभई त्यसलाई जोगाउन मुख्य भूमिका खेल्न पर्ने आवश्यकता लाई मध्यनजर गर्दै अध्यक्ष कमरेड गाहाले मिमुरा पार्क संयोजक कमरेड सुमन थेबेलाई सशक्त निर्देशन पनि दिएका छन्।