चीनले बनायो ३० फुटबल मैदान बराबरको टेलिस्कोप

माघ २,

काठमाडौँ ।विज्ञान र प्रविधिको क्षेत्रमा दिन प्रतिदिन नयाँ नयाँ आविष्कार हुने गरेका छन् । वैज्ञानिकहरु नयाँ–नयाँ खोज र उपकरणको आविष्कारमा निरन्तर लागि परेका छन् । सोही अनुरुप छिमेकी मुलुक चीनले विश्वको सबैभन्दा ठूलो टेलिस्कोप निर्माण भएको छ ।

चिनको गोञ्झाउ प्रान्तको पहाडमा निर्माण भएको सो रेडियो टेलिस्कोप २० वर्षको अथक प्रयासपछि निर्माण सम्पन्न भएको हो । करिव तीन वर्ष लामो परीक्षण पश्चात चीनले निर्माण गरेको विश्वको सबैभन्दा ठूलो टेलिस्कोप अब प्रयोगमा ल्याइनेछ ।सन् २०१६ को सेटेम्बरदेखि नै उक्त टेलिस्कोपको परीक्षण थालिएको हो । यस टेलिस्कोपलाई अन्तरीक्षको आखाँ समेत भनिएको छ । यसको निर्माणमा अमेरिका, बेलायत र पाकिस्तान सहित १० देशका वैज्ञानिकले सहयोग गरेका छन् । यो टेलीस्कोपले एक सेकण्डमा ३८ गीगाबाइट (जीबी) डाटा जुटाउने क्षमता राख्ने बताइएको छ । यस टेलीस्कोपको नाम ‘फाइभ हन्ड्रेड मीटर अपर्चर स्फेरिकल रेडियो टेलीस्कोप’ अर्थात तीव्र टेलिस्कोप राखिएको छ । यो टेलीस्कोपको आकार ३० वटा फुटबल मैदान भन्दा ठूलो रहेको छ ।

यसको अन्तरिक्ष अनुपात ४ गुण बढि छ । हालसम्म यस टेलिस्कोपले ४४ वटा तिव्र गतीमा घुम्ने ताराको खोज गरिसकेको छ । विश्वको सबैभन्दा ठूलो र संवेदनशील मानिएको सो रेडियो टेलीस्कोपले अन्तरिक्षमा रहेका अन्य प्राणीको खोज गर्ने जनाइएको छ । वैज्ञानिकहरुले यो टेलिस्कोपको सहायतलो अन्य ग्रह तथा ग्रहमा रहेका एलियनको खोज गर्नेछन् ।-खबरहब