तिलोत्तमाबाट मोटर साइकल चोरीमा संलग्न युवा पक्राउ

बुटवल । इलाका प्रहरी कार्यालय बुटवलले मोटरसाइकल चोरी गर्ने एक युवालाई पक्राउ गरेको छ । पक्राउ पर्नेमा पाल्पाको तानसेन नगरपालिका घर भई हाल रुपन्देहीको तिलोत्तमा–११ मौवारीमा बस्दै आएका २५ वर्षीय सुशिल थापा रहेका छन् ।

यही वैशाख २० गते बुटवल उपमहानगरपालिका–९ स्थित फ्युरियल कन्स्ट्रक्सनको अगाडि पार्किङ गरी राखेको बिराज शर्माको नाममा दर्ता रहेको लु ३४ प ३४८८ नम्वरको पल्सर मोटरसाईकल चोरी भएको थियो । खोजतलास गर्ने क्रममा ईलाका प्रहरी कार्यालय मंगलापुर रुपन्देहीबाट खटिएका प्रहरी टोलिले वैशाख ३१ गते आइतबार पक्राउ गरेको हो । पक्राउ परेका युवालाई नियन्त्रणमा लिई चोरी कसुर शिर्षकमा मुद्दा दर्ता गरी थप अनुसन्धान भई रहेको प्रहरीले जनाएको छ ।