सानदार शतक बनाएर आउट भए कुशल मल्ल

काठमाडौं। एसीसी पुरुष प्रिमियर कप क्रिकेटअन्तर्गतको दोस्रो खेलमा ओमानविरुद्ध नेपालका लागि उत्कृष्ट ब्याटिङ गरेका कुशल मल्ल शतक पूरा गरेर आउट भएका छन्। 

नेपालको ब्याटिङ लाइन धरमराएका बेला मल्लले उत्कृष्ट प्रदर्शन गर्दै शतक पूरा गरे। नेपालले सातौं विकेट गुमाउँदा मल्ल १०८ रन बनाएर आउट भए। ६४ बल सामना गरेका मल्लले  १० छक्का र ९ चौका प्रहार गरे। एकदिवसीय खेलमा मल्लको पहिलो शतक हो। उनले ५ वटा अर्धशतक बनाएका छन्। 

त्रिवि क्रिकेट मैदान, कीर्तिपुरमा टस हारेर पहिले ब्याटिङ गरिरहेको नेपालले खराब सुरुवात गरेको थियो।  नेपालका ओपनरद्वय कुशल भुर्तेल र आसिफ शेख खाता समेत नखोलेर बाहिरिएका थिए। 

कप्तान रोहित पौडेल र भीम सार्कीले नेपाललाई लयमा ल्याउने प्रयास गरे। पौडेल २३ र सार्की ३४ रन बनाएर बाहिरिए। दीपेन्द्र सिंह ऐरी ७ रन बनाएर बाहिरए। अहिले सोमपाल कामी र सन्दीप लामिछाने क्रिजमा छन्। तीव्र गतिका बलर कामीले राम्रो ब्याटिङ गरिरहेका छन्।