भाटभटेनी भैरहवामा शुभारम्भको छुट यथावत

पुस २७,

ग्लोबल आवाज

भैरहवा । नेपालकै ठूलो चेन सुपरमार्केट भाट-भटेनी सुपरमार्केटको १७ औं स्टोर रुपन्देहीको भैरहवामा शुभारम्भ भएको एक महिना भएको छ । गत मंसिर २६ गते शुभारम्भ भएको भैरहवा स्टोरले शुभारम्भको अवसरमा सबै सामानमा १० प्रतिशत छुटको व्यवस्था गरेको थियो भने इलेक्ट्रोनिक्स सामानहरुमा २० प्रतिशत छुटको व्यवस्था गरेको थियो । त्यसैगरी रु. ५९ प्रति के.जी.मा नेपाली चिनी उपलब्ध गराएको थियो । शुभारम्भको छोटो समयमा नै स्टोरले धेरै उपभोक्ताको सहभागिता र सकारात्मक प्रतिक्रियालाई मध्यनजर गर्दै उपलब्ध सो छुट सेवा केही समयको लागि कायमै राख्ने बताएको छ ।

व्यापारिक तथा नेपाल भारत सिमा क्षेत्र सिद्धार्थनगर–७ स्थित स्टोरमा शुभारम्भदेखिनै ग्राहकको उत्साहजनक सहभागिता रहँदै आएको र अपेक्षित कारोबार भएको स्टोरका व्यवस्थापक विनोद भट्टराईले बताए । भैरहवामा अत्याधुनिक सुपर स्टोर सञ्चालनमा आएपछि भैरहवा, तिलोत्तमा,लुम्बिनी आसपासका उपभोक्ताहरुलाई सहज भएको छ । त्यसैगरी स्टोरमा आउने भारतीय उपभोक्ताको संख्या पनि अत्यधिक रहेको व्यवस्थापक भट्टराइले बताए । स्टोरमा सुनौली, नौतनवा, गोरखपुर लगाएतका भारतीय क्षेत्रबाट समेत सपिङका लागि उपभोक्ता आउने गरेका छन् । पछिल्लो सयमा तिव्र गतिमा विकास भइरहेको बुटवल–भैरहवा क्षेत्रमा भाटभटेनीको स्टोर सञ्चालनमा आएपछि सो क्षेत्रमा रौनक बढेको अग्रज पत्रकार तथा पर्यटनविद् चेतन पन्तले बताए ।

उनले भने ‘ अत्याधुनिक,आकर्षक र सबै सामान एउटै स्टोरमा पाइने भाटभटेनीले भैरहवामा निकै प्रभाव पारेको छ । यसबाट यहाँको विकास र भारतीय पर्यटककको आगमन बढेको छ । जसले स्थानीय पर्यटनमा थप टेवा पुुगेको छ ।’ भैरहवामा भाटभटेनीको स्टोर सञ्चालनमा आयसँगै सस्तो लोभमा चिनी र घरायसी सामान खरिद गर्न भारतीय बजार सुनौली जान नपरेको तिलोत्तमा कोटिहवाकी गृहणी कल्पना शर्माले बताइन् ।त्यस्तै सबै किसिमका ब्राण्डेड सामानहरु खरिद गर्न पसल–पसल चाहर्न नपरेको नेपाल अम्बुजा सिमेण्टका महाप्रबन्धक राजकुमार गुप्ताले बताए । उनले भने ‘ भैरहवामा भाटभटेनी सुरु भएपछि केही ब्राण्डेड सामान किन्नु परे विभिन्न शोरुम जानपर्ने र त्यसको लागि समय नै नहुने साथै पार्किङको पनि समस्या हुने झण्झटबाट मुक्त भइएको छ ।’