दाङमा ट्रकको ठक्करबाट मोटरसाइकलमा सवार २ जनाको मृत्यु

दाङ । दाङमा ट्रकको ठक्करबाट मोटरसाइकलमा सवार २ जनाको मृत्यु भएको छ।  दुर्घटनामा परी घोराही उपमहानगरपालिका ११ खैराका २६ वर्षीय मोटरसाइकल चालक सन्देश बस्नेत र १७ वर्षीय गोपाल बिकको मृत्यु भएको जिल्ला प्रहरी कार्यालयले दाङले जनाएको छ ।

सोमबार बिहान साढे ११ बजेतिर भैरहवाबाट मल लिएर तुलसीपुर जाँदै गरेको लु २ ख ३८१ नम्बरको ट्रकले लु ७३ प ११६२ नम्बरको मोटरसाइकललाई घोराही ११ खैरा चोकमा ठक्कर दिएको जिल्ला प्रहरी कार्यालय दाङका  प्रवक्ता एवं डीएसपी राजन कुमार गौतमले जानकारी दिए ।

दुर्घटनाका घाइतेमध्ये बिकको घटनास्थलमै मृत्यु भएको थियोे , भने  घाइते बस्नेतलाई उपचारको लागि राप्ती विज्ञान प्रतिष्ठान घोराहीमा उपचारका क्रममा मृत्यु भएको  प्रहरीले जनाएको छ । एकैतिरबाट गइरहेको  ट्रकलाई  मोटरसाइकलले उछिन्न खोज्दा घटना भएको हुनसक्ने प्रहरीले  अनुमान गरेको छ ।

साथै,  प्रहरीले ट्रक र ट्रक चालक  नवलपरासी पश्चिम सरावल गाउँपालिका ३ पिपरा बस्ने २८  वर्षीय धुर्व कुमार यादवलाई नियन्त्रणमा लिई आवश्यक अनुसन्धान भईरहेको जनाएको छ ।मृतक दुबै जनाको शव  राप्ती स्वास्थ्य विज्ञान प्रतिष्ठान घोराही, दाङको शव गृहमा राखिएको प्रहरीले जनाएको छ ।