प्रहरीकै अगाडि पूर्वसांसद र उनका भाइको हत्या, कसले चलायो गोली ?

काठमाडौं । भारतको उत्तर प्रदेशका पूर्वसांसद अतिक अहमद र उनका भाइ अशरफको शनिबार राति तीन जना बन्धुकधारीले गोली हानी हत्या गरेका छन्।

यो हत्या भएको बेला प्रहरीले अतिक अहमद र उनका भाइ अशरफलाई मेडिकल चेकअपका लागि अस्पताल लैजाँदै थियो । अतिक अहमद र अशरफ पूर्व विधायक राजु पालको हत्याको आरोपमा जेलमा थिए।

राजु पाल हत्याका साक्षी उमेश पाल हत्या प्रकरणमा सोधपुछका लागि उनीहरुलाई साबरमती कारागारबाट प्रयागराज ल्याइएको थियो ।

दुई दिनअघि (बिहीबार) उत्तर प्रदेश प्रहरीको विशेष टास्क फोर्सले झाँसीमा भएको भिडन्तमा आतिक अहमदका छोरा असद अहमद र उनीसँगै उपस्थित उनका सहयोगी गुलाम मोहम्मद मारिएका थिए।

शनिबार राति अतिक अहमद र उनका भाइ अशरफको हत्या भएको बेला कसले देख्यो र के भने ? त्यसअघि र पछि के भयो ? हामी क्रमबद्ध रूपमा बताइरहेका छौं।

हत्या हुनुअघि के भयो ?
जब अतिक अहमद र उनका भाइ अशरफमाथि आक्रमण भयो, प्रहरीहरूले उनीहरूलाई प्रयागराजको मोतीलिल नेहरू डिभिजनल अस्पताल (क्याल्भिन अस्पताल)भित्र मेडिकल जाँचका लागि लैजाँदै थिए।

त्यसअघि अस्पतालबाहिर प्रहरीको जीप रोकियो । केही प्रहरी अगाडिबाट ओर्लिएर फर्किए भने कोही पछाडिको सिटबाट निस्किए ।

अशरफलाई पहिले जीपबाट ओर्लन लगाइन्छ, त्यसपछि अतिक अहमदलाई एक पुलिसकर्मीले मद्दत गर्छन्। 

अशरफले कालो टि-सर्ट र प्यान्ट लगाएका थिए भने अतिक अहमद सेतो कुर्तामा थिए।