निकोलको सिरिजमा इशान

मुम्बई । बलिउडमा चार वर्षअघि करियर सुरु गरेका अभिनेता इशान खट्टरले कम समयमा नै आफ्नो पहिचान बनाइसकेका छन् ।

अभिनेता शाहिद कपूरका भाई इशानको ग्ल्यामर उद्योगमा पुरानो साइनो छ । तर ठूलो पर्दामा अभिनय गरेपछि उनी फरक किसिमका दर्शक बनाउन सफल भए । यिनै अभिनेता अब हलिउड अभिनेत्री निकोल किडमेनसँग सहकार्य गर्दैछन् ।इशानका अनुसार एक हलिउड वेब सिरिजका लागि निर्माण पक्षले स्टारकास्ट फाइनल गरिसकेका छन् । जसमा अभिनेत्री निकोल किडमेनको प्रमुख भूमिका रहनेछ । सिरिजमा इशान सह–चरित्रमा देखिनेछन् ।द परफेक्ट’ नाम रहेको सिरिज इलन हिल्डरब्रेंडको उपन्यासमा आधारित छ । यसअघि ‘धड्क’ अभिनेताले ‘डोन्ट लुक अप’मा केमियो गरेका थिए ।सिरिजमा इशानले एक दुलाहाको मिल्ने साथीको भूमिकामा अभिनय गर्दैछन् । जबकी दुलाहाको भूमिका अभिनेता बिली होवेलले निर्वाह गर्दैछन् ।सिरिज नेटफ्लिक्सबाट प्रसारण हुनेछ । जसमा डकोटा फनिङ, मेघन फही र इसाबेल अदजानीको पनि अभिनय रहनेछ ।