रुपन्देहीको शुद्धोधनमा शैक्षिक गतिविधि

बुटवल । शुद्धोधन गाउँपालिकाका नीति तथा सरकारी विद्यालयमा विभिन्न विभिन्न रचनात्मक, शिक्षाप्रथ कार्यक्रम सम्पन्न भएका छन । केही हप्ता अगाडी नीजि विद्यालयको छाता संगठन रेप्साद्वारा फर्साटिकरमा रहेको सिद्धार्थ बोडिङ्गहाई स्कुलमा शैक्षिक गतिविधी, खेलकुद, नृत्य लगायत क्षमता विकास र विद्याथीको सृजनशिलता अभिबृद्धि गर्ने खालका कार्यक्रम संचालन भएका छन।

कार्यक्रमले अनुशासन, लगनशिलता र बिधार्थीको मानसिक चिन्तनमा निखार ल्याउँने कुरा विधालयका प्रधानध्यापक डिल्लीराम पौडेलले बताए । रेप्साको कार्यक्रम लगतै नीजि विद्यालयको साझा संगठन पेष्टाले पनि विभिन्न शैक्षिक गतिविधिमा आधारित विद्यार्थीको मनोबल बृद्धिका लागि लिटल फ्लावर सेकेन्डरी स्कुल मा कार्यक्रम आयोजना गरेको थियो । संगठानिक संरचना अनरुप रेप्सा र पेष्टा विद्यालय, शिक्षक र विद्यार्थीको हकहित र मार्गदर्शनका लागि संगठित भएपनी यस क्षेत्रमा रेप्सा र पेष्टा प्रतिस्प्रधात्मक संस्थाको रुपमा देखापरेका छन ।

तथापी शिक्षामा गुणस्तर अभिबृद्धि, प्रभावकारी नियमन र समन्वायत्मक शैक्षिक संस्कृति विकासका लागि दुबै संस्था सकारात्मक रुपमा सक्रिय भएका छन । लिटल फ्लावर सेकेन्डरी स्कुलका प्रध्यनाध्यापक पान कुमार फौदारले नीजि विद्यालयले समाज रुपान्त्रणमा खेलेको भुमिका असाधारण रहेको कुरा बताएका छन । शैक्षिक कार्यक्रम अन्तर्गत यस फर्साटिकर बजारको मुटुमै रहेको फर्साटिकर मा.वि सरकारी विद्यालयले पनि २०७९ सालका एस.इ.ई दिने परीक्षार्थीहरुलाई शुभकामना सहित बिदाई कार्यक्रम गरेका थिए ।

सो कार्यक्रममा बोल्दै शुद्धोधन गाउँपालिका प्रमुख बिष्णु प्रसाद बस्यालले स्थानीय तहको साथ र सहयोग हरदम रहनेमा जोड दिएका थिए भने गाउँपालिकाका प्रवक्ता तथा वडा नं ४ का वडा अध्यक्ष केशव प्रसाद अधिकारीले शिक्षा नै विद्यार्थीको भविष्य रहेको कुरा प्रष्टाएका थिए । विद्यालय व्यवस्थापन समितीका अध्यक्ष नर बहादुर घर्तीले फर्साटिकर मा.वि ले उल्खनीय सुधार गर्दै गईरहेको बताए । विद्यालयका प्रध्यानाध्पाक देव राज पौडेलले विद्यार्थी, अभिभावक र शिक्षकको सहकार्यतानै विद्यार्थीको असली परिणाम भएको बताएका थिए ।

हालै नीजि विद्यालय अन्तर्गतको फर्साटिकरमा रहेको ड्रिम भिजन स्कुल अफ फर्साटिकरले वार्षिक उत्सब कार्यक्रम एक समारोहका बिच सम्पन गरेको छ । विद्यार्थीद्वारा स्वास्थिक वाचन, नृत्य, कबिता वाचन , खेलकुद गतिबिधी लगाएतका कार्यक्रम संचालन गरेका थिए । विद्यालयका प्रध्यानाध्यापक चुरामणी डुम्रेलेले नैतिक र चारित्रिक रुपमा विद्यार्थीको भविष्य निर्माण गर्न आजको शिक्षा सांस्कारिक र व्यवहारिक हुनु पर्नेमा जोड दिएका थिए ।

यी अभ्यास द्रारा नै विधार्थीमा नबिनता ,उत्सुकता , आत्मबल र दृढविश्वास कायम हुने कुरामा समाजका समाजशेवी, बोद्धिक जगतको जिकर थियो ।