रुपन्देहीको तिलोत्तमामा मोटरसाइकल दुर्घटना हुँदा २ जना घाइते

बुटवल । रुपन्देहीको तिलोत्तमामा मोटरसाइकल दुर्घटना हुँदा २ जना घाइते भएका छन् । बुटवलबाट भैरहवा तर्फ जाँदै गरेको लु ४४ प १७५६ नम्बरको मोटरसाइकल आइतबार तिलोत्तमा १५ स्थित सैनिकपथमा अनियन्त्रित भई सडकको डिभाइटरमा ठोक्किएको थियो ।

दुर्घटनामा परी मोटरसाइकलका चालक बुटवल उपमहानगरपालिका–४ का ४५ वर्षीय प्रेमप्रसाद गौतम र उनकी ४० वर्षीया श्रीमति बसुन्धारा गौतम घाइते भएको जिल्ला ट्राफिक प्रहरी कार्यालय रुपन्देहीले जनाएको छ । घाइते प्रेमप्रसादको अवस्था गम्भीर रहेको छ भने उनकी श्रीमति बसुन्धाराको अवस्था मध्यम रहेको छ । उनीहरुको मणिग्राम स्थित क्रिमशन अस्पतालमा उपचार भइरहेको प्रहरीले जनाएको छ ।