इन्टलेक्यूअल स्कूलले मनायो वार्षिकोत्सव, व्यवहारिक शिक्षामा जोड

बुटवल । बुटवल–११ मा रहेको इन्टलेक्यूअल स्कूलले १३ औं वार्षिकोत्सव तथा अभिभावक दिवस मनाएको छ । सो अवसरमा बोल्ने वक्ताहरुले परिवर्तित समयसँगै शिक्षा पनि परिवर्तन गर्दै लैजानु पर्ने बताए ।

प्रमुख अतिथि बुटवल उपमहानगरपालिकाकी नगर उपप्रमुख सावित्रादेवि अर्यालले स्कूलले शैक्षिक क्षेत्रमा पुर्याएको योगदानको प्रशंसा गर्दै आगामी दिनमा अझ शैक्षिक गुणस्तर वृद्धि गर्न आग्रह गरिन् । शिक्षाको विकास भए मात्र बुटवलको विकास हुने बताइन् । विद्यालयका प्रबन्ध निर्देशक रामराज पोखे्रलले शिक्षा विद्यार्थीलाई सटिफिकेट प्राप्त गर्नका लागि नभई जीवन उपयोगिसीपका रुपमा प्रयोग हुने गरि अध्यापन गराउन जरुरी भएको औल्याए । वार्षिक उत्सवको अवसरमा विद्यालयले विभिन्न क्षेत्रमा उत्कृष्टता हासिल गर्ने विद्यार्थी हरुलाई सम्मान समेत गरेको थियो ।

विद्यालयका अधयक्ष गोविन्द्र मरासिनीको अध्यक्षतामा भएको कार्यक्रममा अभिभावक संघ रुपन्देहीका अध्यक्ष लोकनाथ ज्ञवाली, प्याब्सन बुटवलका उपाध्यक्ष मित्रहरि आर्चाय, पत्रकारमहासंघ रुपन्देहीका उपाध्यक्ष विश्वास ढकाल, भुवन सिंह विक लगायतले बोलेका थिए । सो अबसरमा विद्यार्थीहरुले नाँचगान, चेतनामूलक नाटक प्रस्तुत गरेका थिए । विद्यार्थीहरुले बनाएका बस्तुहरुको स्टल समेत प्रर्दशन गरिएको थियो ।